सह्याद्री चौफेर | वृत्तसंस्था
तक्रारीत युवासेनेचे जिल्हा उपाध्यक्ष अजिंक्य शेंडे यांनी म्हटले की, शहरात नगरपरिषदेच्या वतीने बांधकामे सुरु आहेत, त्यात जैताई मंदिर परिसर, टिळक नगर, सत्यसेवा हॉस्पिटल जवळ खुसपुरे ते भुसारी यांच्या घरापर्यंत. भारत माता चौकापासून ते टागोर चौक रस्ता अशा प्रमाणे कामे शहरात सुरु आहेत. काही काम पूर्ण झालेले सुद्धा आहेत. मात्र, सदर नालीचे कामे सुरु असताना सिमेंट पाईप रस्त्यावर असताव्यस्त टाकलेले असून त्यामुळे रहदारी करताना नागरिकांना मनस्ताप सहन करावा लागत असून अपघाताची शक्यता नाकारता येत नाही किंबहुना बरेच किरकोळ अपघात झालेले आहेत.
दरम्यान, शाळेचे चिमुकले सुद्धा किरकोळ जखमी झाले आहे. विशेषता शहरात अशाप्रकारे बांधकामावर नगरपरिषदेचे अधिकृत सेवेत असलेले इंजिनीयर यांची देखरेख असणे आवश्यक आहे. परंतु ते कुठेही दिसत नाही. त्यामुळे त्यांचेवर सुद्धा कडक कारवाई होणे जरुरी आहे. याशिवाय नमूद कामाचे इस्टिमेट, नकाशे, कामाचा फलक, करारनामा पुरवण्यात यावा. त्यामुळे त्याच (कामाची) गुणवत्ता चाचणी सुद्धा घेता येईल. अशा विविध मागणीचे निवेदन युवासेनेचे उपजिल्हा प्रमुख अजिंक्य शेंडे यांनी आपल्या युवा शिवसैनिकासह येथील नगरपरिषद चे मुख्याधिकारी यांना देण्यात आले आहे.
शहरातील नगर परिषद हद्दीतील क्षेत्रात नाली व रस्त्यांचे बांधकाम सुरू असून सदर असताव्यस्त पडलेल्या, व वरीलप्रमाणे नमूद कामाची दखल संबंधित अधिकारी घेतात की नाही? याकडे जनतेचे लक्ष लागले आहे.