मारेगावकराकडून विश्वभूषण डॉ. बाबासाहेब आंबेडकर यांच्या जयंतीनिमित्त अभिवादन

सह्याद्री चौफेर | वृत्तसंस्था 

मारेगाव : भारतीय राज्य घटनेचे शिल्पकार, भारतरत्न, प्रज्ञासूर्य, महामानव डॉ. बाबासाहेब आंबेडकर यांच्या जयंती दिनानिमित्त शुक्रवार, दि. १४ एप्रिल २०२३ रोजी डॉ. आंबेडकर यांची जयंती शहरात उत्सहात साजरी होत आहे. या प्रसंगी निळ्या ध्वजाचे ध्वजारोहण ठाणेदार राजेश पुरी यांच्या हस्ते करण्यात आले. शेकडोंनी पुष्पमाला अर्पण करीत बाबासाहेबांना अभिवादन केले. 

डॉ. बाबासाहेब आंबेडकर यांची यावर्षी १३२ वी जयंती साजरी करण्यात येत आहे. या जयंती दिनानिमित्त आज सायंकाळी सात वाजता डॉ.बाबासाहेब आंबेडकर यांच्या प्रतिमेची भव्यदिव्य मिरवणूक काढण्यात येणार आहे.

याप्रसंगी चंद्राभाऊ ठाकरे यांनी बाबासाहेबाच्या जीवन आणि तत्त्वज्ञानावर प्रकाश टाकला. धम्मराजिका बुद्ध विहारातील प्रांगणात पंचशील ध्वजाचे ध्वजारोहण तात्याजी चिकाटे, मनोहर भेले यांनी केले. बुद्ध रुपाला अनुयायी यांनी पुष्पमाला अर्पण करीत सामूहिक बुद्धवंदना घेण्यात आली.

डॉ बाबासाहेब आंबेडकर यांच्या जयंतीचे औचित्य साधत निळ्या पताका लावीत बाईक रॅलीने शहराच्या मुख्य मार्गाने मार्गक्रमण करीत बाबासाहेबांचा जयघोष करण्यात आला.