सह्याद्री चौफेर | चेतन पवार
दारव्हा : तालुक्यातील खरीप हंगामातअतिवृष्टीमुळे पिकाची अवस्था बिकट झाली होती. सोयाबीन कपाशी पिके रोगांनी ग्रासले. वाढ पुरेशी झाली नाही. कशीबशी पिकांची वाढ झाली तर कपाशीवर लाल्या रोगाचे आक्रमक झाले परिणामी उत्पादनात कमी झाले. आता ओलिताची सोय असणाऱ्या शेतकऱ्यांनी कपाशीवर पुन्हा खर्च करून उत्पादन निघेल अशी आशा केली तर रेडबग या रोगाने आक्रमण केले आहे. रेडबग इतक्या मोठ्या प्रमाणावर वाढला आहे की मजूरांना कापूस वेचणी करताना त्रास होत आहे. कापूस वेचणी करताना अडथळा निर्माण झाला आहे. दारव्हा तालुक्यात अनेक ठिकाणी रेडबग किडीचा प्रादुर्भाव दिसून येत आहे.
शेवटच्या टप्प्यात रेडबग किडीचा प्रादुर्भाव होतो. त्यामुळे शेवटच्या बोंडातील सरकी ही कमी वजनाची होते. त्यामुळे उत्पादनात घट येते. रेडबग किडीचा प्रादुर्भाव मागील चार- पाच वर्षापासून होत आहे. किडीच्या नियंत्रणासाठी मोठ्या प्रमाणावर खर्च येतो. त्यामुळे किटकनाशकांचा खर्च करणे शेतकऱ्यांना परवडत नाही. या किडीच्या प्रादुर्भावाने कापसाची प्रत घसरते.