पुसद नगर पालिकेचे मुख्याधिकारी व कर्मचाऱ्यांवर केलेल्या हल्ल्याचे पडसाद वणीत उमटले

सह्याद्री चौफेर : कुमार अमोल 

वणी : पुसद नगर पालिकेकडून रस्ते अतिक्रमण मुक्त करण्याकरिता सुरु केलेल्या अतिक्रमण हटाव मोहिमेदरम्यान अतिक्रमणधारकाने मुख्याधिकारी व कर्मचाऱ्यांवर भ्याड हल्ला केला. या हल्ल्याचा आज वणी नगर पालिकेच्या कर्मचाऱ्यांनी निषेध नोंदवत कामबंद आंदोलन केले.

पुसद येथील हल्ल्याचा वणी नगर पालिकेच्या कर्मचाऱ्यांनी कामबंद आंदोलन करून निषेध नोंदविला. कर्मचाऱ्यांनी यावेळी नारेबाजी करून हल्ला करणाऱ्या अतिक्रमणधारकावर कडक कार्यवाही करण्याची मागणी केली.

पुसद नगर पालिकेचे मुख्याधिकारी व कर्मचाऱ्यांवर केलेल्या हल्ल्याचे पडसाद राज्यभर उमटले असतांना या हल्ल्याचा निषेधार्थ वणी नगर पालिकेच्या कर्मचाऱ्यांनी कामबंद आंदोलनात उत्स्फूर्तपणे सहभाग दर्शविला असून या हल्ल्याचे वणीत पडसाद उमटले.