परिस्थिती हलाखीची पण, शिक्षणाची आवड अमाप

सह्याद्री न्यूज | किरण घाटे 

चंद्रपूर : शिक्षणाशिवाय जिवनात दुसरा पर्याय नाही याच ध्येया पाेटी ती शिक्षणासाठी तेलंगणाच्या तडपल्ली गावातुन चंद्रपूरात आली अन् चंद्रपूरच्या स्थानिक सरदार पटेल महाविद्यालयात शिक्षण घेवू लागली.

ती यावर्षी बि ए (BA) अंतिम वर्षाला असून उच्च शिक्षण घेवून स्पर्धा परीक्षा द्यायची व नाेकरी मिळावयाची हे स्वप्न तिने मनाशी बाळगले आहे. घरची आर्थिक फार बेताची असुन आई वडील सध्या तेलंगणा राज्यातील अशिफाबाद जिल्हा अंतर्गत येत असलेल्या तडपल्ली या गावात वास्तव्यास आहे. ते माेलमजुरी करुन आपल्या कुटुंबाचा उदार निर्वाह करीत आहे तर, त्याच परिवारातील राणी सुशिल राेहणे ही नित्य नेमाने चंद्रपूरात राेज सकाळी विविध वर्तमान पत्रे घरपाेच वाटपाचे काम करीत आहे. त्यातुन जी काही मिळकत मिळते त्यात ती अभ्यासाची पुस्तके खरेदी करीत आहे. काही दिवसांचा सुरुवातीचा सहवास राणी हिचा चंद्रपूर जिल्ह्यातील भद्रावती तालुक्यात येणा-या काेची या गावात गेला. वयाच्या आठव्या वर्षापासून ती याच गावातील हाेणां-या वंदनिय राष्ट्रसंत तुकडाेजी महाराज यांचे सामुदायीक प्रार्थनेला नित्य जायची, त्याच वयात तिने ग्रामगिता ग्रंथाचे वाचन केले. त्यातुनच तिला श्लाेक, अंभग, भजन व पाेवाडे याची आवड मनात निर्माण झाली. आज ही त्याच गावात हाेणां-या राष्ट्रसंत तुकडाेजी महाराजांच्या कार्यक्रमाला ती अगत्याने हजर राहते.

भल्या पहाटे उठुन हातात वर्तमान पत्रे घेवून घराेघरी वाटप करणां-या २१ वर्षीय राणीचे अनेक घरी महिला व तरुणींशी मधुर व गाेड संबंध जुळल्याचे खुद्द राणी सांगते. भविष्यात उच्च शिक्षण घेवून यशाची पायरी गाठु अशी ती म्हणते...