सह्याद्री न्यूज | रवी वल्लमवार
केळापूर, (२६ ऑगस्ट) : मारेगाव तालुक्यातील एका दारू विक्रेत्याकडून १२०००/_ रुपयांची लाच स्वीकारत असतांना येथील राज्य उत्पादन शुल्क विभागाच्या सहाय्यक दुय्यम निरीक्षक लाचलुचपत प्रतिबंधक विभागाच्या जाळ्यात अडकला. बुधवारी सायंकाळी ६:३० वाजता ही घटना घडली. शंकर गोविंदा घाटे असे लाचखोर कर्मचाऱ्याचे नाव आहे.
शंकर गोविंदा घाटे यांनी तक्रारकर्त्याला विदेशी मद्य परवाण्यावर कारवाई न करण्यासाठी ६०००/_रुपये तसेच राज्य उत्पादन शुल्क कार्यालयाच्या निरीक्षकासाठी मासिक हप्ता म्हणून ६०००/_ रुपये अशा एकूण १२०००/_ रुपयाच्या लाचेची मागणी केली. शंकर घाटे यांनी १२०००/_ लाच स्वीकारताना अधिकारी कर्मचाऱ्यांची त्याच्यावर झडप घालून त्याला अटक केली.
त्याला येथील विश्रामगृहात नेण्यात आले, ही कारवाई अमरावती येथील एसीबीचे पोलिस अधीक्षक विशाल गायकवाड यांच्या निदर्शनात करण्यात आली.