सह्याद्री चौफेर | ऑनलाईन
मारेगाव : मारेगाव पोलीस ठाणे हद्दीतून तीन अल्पवयीन मुला-मुलींना पळवून नेणाऱ्या अट्टल आरोपीला स्थानिक गुन्हे शाखा, यवतमाळने यशस्वी कारवाईत जेरबंद केले आहे. आरोपी देविदास अंगदास वावरे (वय 44, रा. पांढरकवडा, मूळ गाव किनगाव, ता. हिंगणघाट, जि. वर्धा) हा अपहरणप्रकरणी वणी, नागपूर व तेलंगणा राज्यातील अनेक गुन्ह्यांत वॉंटेड होता.
पोलीस अधीक्षक श्री. कुमार चिंता यांच्या मार्गदर्शनाखाली सुरू असलेल्या “ऑपरेशन शोधा” मोहिमेअंतर्गत स्थानिक गुन्हे शाखेच्या पथकाला ३ नोव्हेंबर रोजी आरोपीच्या ठिकाणाबाबत गुप्त माहिती मिळाली. तत्काळ कारवाई करत पथकाने आरोपीला वर्धा जिल्ह्यातील किनगाव येथून ताब्यात घेत तीन अल्पवयीन मुलामुलींची सुटका केली.
सदरची कारवाई पोलीस अधिक्षक, यवतमाळ कुमार चिंता, अपर पोलीस अधिक्षक थोरात, उपविभागिय पोलीस अधिकारी सुरेश दळवे वणी यांचे मार्गदर्शनात पो. नि. सतिष चवरे स्था. गु.शा. यवतमाळ, सपोनि दत्ता पेंडकर, पोलीस उपनिरीक्षक धनराज हाके, पोहव सुनिल खंडागळे, सुधिर पांडे, निलेश निमकर, पोका सलमान शेख, रजनिकांम मडावी, चालक पोहवा नरेश राऊत यांनी यशस्वीरित्या पार पाडली. पुढील तपास पोलीस उपनिरीक्षक प्रविण सुळे पोलीस स्टेशन मारेगाव हे करीत आहे.