सिध्दार्थ वसतीगृहात पालक मेळावा व सत्कार समारंभ संपन्न

सह्याद्री चौफेर | वृत्तसंस्था 

वणी : 4 आक्टोंबर रोजी सिध्दार्थ वसतीगृहात पालक मेळाव्याचे आयोजन करण्यात आले होते. कार्यक्रमाच्या अध्यक्षस्थानी संस्थेचे अध्यक्ष प्रा.पुरुषोत्तम पाटील तर प्रमुख, पाहुणे म्हणून पणन महासंघाचे संचालक तथा जिल्हा कॉंग्रेस कमिटीचे सरचिटणीस संजय खाडे, प्राचार्य डॉ.शंकरराव वह्राटे, संस्थेचे उपाध्यक्ष प्रा.एस.एस.सोनारखण, सचिव नवनाथ नगराळे, सहसचिव प्रा.बा.ग.राजूरकर, कोषाध्यक्ष जगदिश भगत, संचालक डि.एन.कांबळे, भाऊराव मजगवळी व दाधिकारी उपस्थित होते.

सर्व प्रथम भारतरत्न डॉ. बाबासाहेब आंबेडकर, महात्मा फुले, छत्रपती शिवाजी महाराज यांच्या प्रतिमेचे पूजन करून थोर महापुरुषांना अभिवादन करण्यात आले, त्यानंतर कार्यक्रमाला सुरुवात झाली.

सत्कारमुर्ती संजय खाडे यांना शाल व श्रीफळ व डॉ. बाबासाहेब आंबेडकर व द्वितिय महायुद्ध हे पुस्तक भेट देऊन त्यांचा सत्कार करण्यात आला. या प्रसंगी बोलताना संजय खाडे म्हणाले की, 'माझा तुम्हाला अंतिम संदेश एकच आहे. शिका, संघटित व्हा आणि संघर्ष करा. आपला लढा स्वातंत्र्यासाठी आहे, माणूस म्हणून जगण्यासाठी आहे'. आपण हे अंगीकरलं पाहिजे. शिक्षणाशिवाय तरणोपाय नाही. असे मोलाचे मार्गदर्शन केले. तसेच वसतिगृहातील मुलांना 24 बेड भेट देण्याचे वचन दिले. प्रमुख पाहुणे प्राचार्य डॉ.शंकर व-हाटे यांनी मनोगत व्यक्त केले.

संस्थेचे उपाध्यक्ष एस.एम.सोनारखन यांनी वसतिगृहाला दहा हजार रुपये तर, सहसचिव प्रा.बा.ग. राजूरकर यांनी अकरा हजार रुपये मदत दिली. त्या प्रसंगी त्यांचा सत्कार करण्यात आला. संस्थेचे दिवंगत सदस्य ॲड.अशोक मानकर यांनी सुद्धा आर्थिक मदत केल्यामुळे छब्बूताई मानकर यांना साडीचोळी व पुस्तक देऊन सत्कार करण्यात आला. त्यानंतर संस्थेचे अध्यक्ष प्रा.पुरूषोत्तम पाटील यांनी वसतिगृह हे खानावळ नसुन ते मुलांवर संस्कार घडविण्याचे केंद्र आहे,असे मत व्यक्त केले.

कार्यक्रमाचे प्रास्ताविक सचिव नवनाथ नगराळे यांनी तर, संचालन व आभार प्रदर्शन अधिक्षक मंगल तेलंग यांनी केले.

कार्यक्रमाच्या यशस्वीतेसाठी सेवक कैलास वडस्कर व गुलाब भोयर यांनी सहकार्य केले. यावेळी पालक वर्ग व विद्यार्थी गण उपस्थित होते.