वणी : आज महाराष्ट्र बंद ची कडक हाक महाविकास आघाडी ने पुकाली होती. मात्र, कोर्टाने परवानगी नाकारल्याने या सरकार च्या दडपशाही च्या विरोधात व बदलापूर घटनेचा निषेध म्हणून वणी येथे महाविकास आघाडीच्या वतीने काळ्या पट्टी लावून मूक आंदोलन करण्यात आले.
यावेळी संजय खाडे, आशिष खुलसंगे, संजय निखाडे, डॉ. लोढा, दीपक कोकास, अजिंक्य शेंडे, संध्या बोबडे, सुधीर थेरे, राजीव कासावार, शालिनी रासेकर, पुरुषोत्तम आवारी, प्रमोद वासेकर, यासह असंख्य महाविकास आघाडीचे पदाधिकारी व कार्यकर्ते उपस्थित होते.
मुंबई उच्च न्यायालयाने दिलेल्या निर्णयानंतर महाविकास आघाडीने महाराष्ट्र बंद मागे घेतला असला तरी आघाडीकडून निषेध आंदोलन करण्यात आले आहे. बदलापूर येथे शाळेत दोन मुलींवर झालेल्या अत्याचाराच्या घटनेचा निषेध म्हणून वणी येथील छत्रपती शिवाजी महाराज चौकात मविआ च्या वतीने आज शनिवारी भर पावसात तोंडाला काळी पट्टी लावून आंदोलन केले आहे.