सह्याद्री चौफेर | कुमार अमोल
मारेगाव : शेती ते बाजारपेठ असे आश्‍वासक पाऊल महिला शेतकरी प्रोड्यूसर कंपनी लिमिटेडने टाकले आहे. हा उपक्रम विदर्भात नावीन्यपूर्ण असल्याचे प्रतिपादन करत,सदैव सर्वतोपरी सहकार्य करण्यास कृषी उत्पन्न बाजार समिती तत्पर आहे, अशी कृ उ बा समितीचे सभापती गौरीशंकर खुराणा यांनी आयोजित कंपनीच्या वार्षिक सर्वसाधारण सभेत माहिती दिली.
या प्रसंगी युवा उद्योजक जगदीश ठेंगणे यांनी कंपनीची खरेदी ही पारदर्शकता स्वरूपाची असून, बऱ्याच कुटुंबाला याचा फायदा होतील अशा स्वरूपात मार्गदर्शन केले. माजी सभापती सौ. शितल पोटे यांनी महिला ह्या बियाणे निर्मिती प्रकल्पात प्रथमच काम करत असून, त्यांच्या वाटचालीस शुभेच्छा दिल्या, तर तालुका अभियान व्यवस्थापक आत्राम, यांनी जास्तीत जास्त भागधारक वाढवा व त्यातून कंपनीच्या सर्व सोयीसुविधा आपल्याला उपलब्ध होतील अशी माहिती दिली. एफपीओ समन्वयक वैभव कुंड्रॉवार यांनी कंपनी मध्ये भागधारकाचे शेअर्स कसे वाढतात व त्यानुसार काय काय नियोजन असेल, या बाबत सविस्तर माहिती दिली. तर टाले सर यांनी कंपनीची कार्यप्रणाली ही उत्कृष्ठरित्या असून, भविष्यात या कंपनीला वाव येतील त्याबद्दल मार्गदर्शन केले.
दरम्यान, कंपनी मध्ये शेतमाल खरेदी करत असताना ऑनलाईन पोर्टलची संपूर्ण माहिती कुमुद बोधे यांनी दिली. शेतमाल खरेदी करित असताना त्या प्रती पारदर्शकता कशी असते,या विषयी अनिता लाडसे यांनी माहिती दिली, तर कंपनी डायरेक्टर सोनूले ताई यांनी कंपनी मधील भागधारकाचे महत्व या विषयावर मार्गदर्शन केले. सभेचे सूत्रसंचालन डायरेक्टर सौ. प्रियंका देवाळकर यांनी, तर आभार प्रदर्शन रेखा बदखल यांनी केले.
यावेळी कंपनीचे सर्व डायरेक्ट, समन्वयक, उपस्थित सर्व भागधारक यांच्या उपस्थिती ही वार्षिक सर्वसाधारण सभा आज पाडली.
सदैव सर्वतोपरी सहकार्यास कृषी उत्पन्न बाजार समिती तत्पर आहे - सभापती गौरीशंकर खुराणा
Reviewed by सह्याद्री चौफेर
on
October 07, 2023
Rating:
Reviewed by सह्याद्री चौफेर
on
October 07, 2023
Rating:
