केंद्र नेरड अंतर्गत विद्यार्थ्यांना भेट वस्तू सन्मानपूर्वक प्रदान करून गौरविण्यात येणार

सह्याद्री चौफेर | कुमार अमोल 

वणी : केंद्र नेरड अंतर्गत सर्व मुख्याध्यापक, शिक्षक,पालक यांचे उपस्थितित आपण जि.प.शाळांमधील विद्यार्थ्यांना गुणवत्तापूर्ण व दर्जेदार शिक्षण प्राप्त व्हावे.या दृष्टिकोनातून सदैव प्रयत्नशिल असतो. शाळापूर्व तयारी मेळावे आयोजित करून आपण दाखल विद्यार्थ्यांना सन्मानित करून दाखल सुद्धा केले आहेत. 

याच प्रमाणे या जि.प.शाळांमधून इयत्ता १ ली पासून आजपर्यंत त्याच शाळेतून इयत्ता ४/ ५/ ७/८ पर्यंत शिक्षण पूर्ण करून जाणाऱ्या विद्यार्थ्यांच्या भावना या शैक्षणिक प्रवाहात पहिलेच पदार्पण करणाऱ्या वयापासून गुंतलेल्या असतात. 

         

त्याच प्रमाणे आपल्या शाळेतच पूर्ण शिक्षण घेऊन बाहेर पडणारे हे विद्यार्थी आपले दैवत, कृपावंतच आहेत. 

याच भावनेतून या विद्यार्थ्यांचा निरोप फुल ना फुलाची पाकळी भेट देऊन सत्कार करण्यात यावा म्हणून केंद्र नेरड चे केंद्रप्रमुख श्री राजेश खुसपूरे सर यांनी संकल्पना ठेवून ती पूर्ण करण्याकरीता भेट वस्तू केंद्रांतर्गत जि.प.शाळांमधे पोहोचत्या केलेल्या आहेत.

याकरीता श्री नवनाथ देवतळे सर यांचेही सहकार्य लाभले आहेत. आणि या केंद्रातील प्रत्येक शाळेतील मुख्याध्यापक, शिक्षक व पालक वर्गांचे, शाळा व्यवस्थापन समीती यांचे सहकार्यातून व उपस्थितित दि. ६ मे २०२३ रोजी आयोजित कार्यक्रमात या विद्यार्थ्यांना भेट वस्तू सन्मानपूर्वक प्रदान करून गौरविण्यात येऊन निरोप दिला जाणार आहे.