सह्याद्री चौफेर | कुमार अमोल
वणी : विदर्भ राज्य आंदोलन समितीच्या वतीने २१ फेब्रुवारी ते ५ मार्च २०२३ पर्यंत पूर्व विदर्भातून काळेश्वर सिरोंचा ते नागपूर व पश्चिम विदर्भातील जिजाऊ चे माहेरघर सिंदखेडराजा (बुलढाणा) ते नागपूर अशी दुसरी विदर्भ यात्रा निघाली आहे.या दोन्हीही यात्रेचा समारोप ५ मार्च २०२३ रोजी, नागपूर येथील संविधान चौकात होणार आहे.
पुर्वेकडील विदर्भ निर्माण यात्रा गडचिरोली जिल्ह्यातील विविध तालुक्यांना भेटी देत चंद्रपूर जिल्ह्यातील राजुरा, गडचांदूर,जिवती, कोरपना,मार्गे ही यात्रा २४ फेब्रुवारी रोजी शुक्रवारी संध्याकाळी ६ वाजता दरम्यान छत्रपती शिवाजी महाराज चौकात येणार आहे.यावेळी या यात्रेचे जंगी स्वागत होऊन या ठिकाणी सभा होणार आहे.
या यात्रेचे स्वागत करण्यासाठी शहरातील मान्यवर नेते डॉ.भालचंद्र चोपणे,प्रदीप बोनगिरवार, जयसिंग गोहोकार,इजाहर शेख, राजाभाऊ पाथ्रटकर, किरणताई देरकर, वंदना आवारी,संध्याताई बोबडे,कॉ.अनिल घाटे, मंगल तेलंग,अजय धोबे, विजय नगराळे,प्रा.दिलीप मालेकार, अनिकेत चामाटे सह शहरातील इतर मान्यवर उपस्थित राहणार आहेत.
