सह्याद्री चौफेर | उमेश गोलेपल्लीवार
9623494935
दिनांक १२ नोव्‍हेंबर रोजी पोंभुर्णा तालुक्‍यातील घाटकुळ येथे राष्‍ट्रसंत तुकडोजी महाराज साहित्‍य विचार कृती सम्‍मेलन-२०२२ च्‍या उद्घाटन समारंभात पालकमंत्री सुधीर मुनगंटीवार बोलत होते. यावेळी सम्‍मेलनाध्‍यक्ष डॉ. नामदेवराव कोकोडे, जिल्‍हाध्‍यक्ष देवराव भोंगळे, ग्रामगीताचार्य बंडोपंत बोढेकर, स्‍वागताध्‍यक्ष विनोद देशमुख, अलका आत्राम, पोंभुर्णा न.पं. अध्‍यक्षा सुलभा पिपरे, उपाध्‍यक्ष अजित मंगळगिरीवार, माजी जि.प. सदस्‍य राहूल संतोषवार, अजय मस्‍के, भाऊसाहेब बराटे, दीपक सातपुते, चेतनसिंह गौर, लिंगा रेड्डी, किरण पाल, प्रफुल्‍ल निमसरकार, राजेंद्र जेनेकर, रामकृष्‍ण चनकापूरे, डॉ. गुरूप्रसाद पाकमोडे आदींची प्रामुख्‍याने उपस्थिती होती.
यावेळी बोलताना सुधीर मुनगंटीवार पुढे म्‍हणाले, करा धर्माचे आचरण, होईल व्‍यसनाचे उच्‍चाटन असा फलक वाचला. आज या सम्‍मेलनाच्‍या निमीत्‍ताने घाटकुळला व्‍यसनमुक्‍त करण्‍याचा संकल्‍प आपण करूया. मला माणूस द्या हा तुकडोजी महाराजांचा प्रमुख संदेश आहे. आज स्‍वतःचा विचार करणा-या नागरिकांची संख्‍या वाढत आहे. अशा परिस्‍थीतीत समाजाचा विचार करणा-या नागरिकांची संख्‍या वाढण्‍याची आवश्‍यकता आहे. अनेक महामानवांनी मानवतेची ज्‍योत पेटविली, त्‍यातील प्रमुख नांव म्‍हणून वं. राष्‍ट्रसंत तुकडोजी महाराज हे आहे, असेही पालकमंत्री सुधीर मुनगंटीवार म्‍हणाले. कार्यक्रमाला नागरिकांची मोठया संख्‍येने उपस्थिती होती.