7218187198
मारेगाव : जड वाहतुकीसाठी खैरी वडकी मार्गे मारेगाव करंजी वडकी हा मार्ग मुख्य रस्ता दिला असतांना सुद्धा खैरी ते करणवाडी मार्गांवर जड वाहतूक सुरु आहे. ही वाहतूक अवैध असून ती तात्काळ बंद करण्यात यावे अशा आशयाचे निवेदन आज बुधवारी मनसे च्या वतीने तहसीलदार यांना देण्यात आले.
तालुक्यातील करणवाडी,कुंभा,खैरी दरम्यान रात्रीच्या वेळेस अवैधपणे जड वाहतूक केल्या जात आहे. सदर रस्त्याची क्षमता ही जड वाहतुकीसाठी नसल्यामुळे रस्त्याची दयनीय अवस्था झाली आहे. असा आरोप महाराष्ट्र नवनिर्माण सेने चे मारेगाव तालुका अध्यक्ष अविनाश लांबट यांनी केला आहे. पुढे निवेदनात म्हटलं आहे की, या आधीच रेती तसेच मुरूम वाहतुकीमुळे पूर्णपणे रस्त्याची चाळण होऊन रस्ता खराब झालेला आहे. आणि सध्या करणवाडी ते खैरी रस्त्याने अवैधपणे कोळसाची मोठ्या प्रमाणात वाहतूक होत आहे.मारेगाव तालुक्यातील करणवाडी ते खैरी हा मुख्य रस्ता असून या रस्त्याने मोठ्या प्रमाणात वाहतूक सुरु आहे. अशातच ही जड वाहतूक सुरु झाल्याने अपघाताची शक्यता बळावली आहे. जड वाहतुकीसाठी खैरी वडकी मार्गे मारेगाव करंजी वडकी हा मार्ग मुख्य रस्ता दिला असतांना सुद्धा वाहन चालक शॉर्टकट मार्ग म्हणून वडकी मार्गे मारेगाव जड वाहतूक सुरु आहे. ह्या रस्त्याने खाजगी शाळा, कॉलेज असल्याने विद्यार्थ्यांच्या मोठ्या प्रमाणात ये-जा असते त्यामुळे तहसीलदार साहेब यांनी लक्ष घालावे अन्यथा या रस्त्यावर होण्याऱ्या अपघाताची जबाबदारी राहील..
येत्या आठ दिवसात ही अवैध जड वाहतूक बंद न झाल्यास मनसे स्टाईलने आंदोलन करण्यात येईल अशा ईशारा तालुका अध्यक्ष अविनाश लांबट यांच्या नेतृत्वात देण्यात आला. आंदोलन दरम्यान, काही उद्भवल्यास प्रशासनाची जबाबदारी राहील असा दमही संबंधित विभागांना देण्यात आला आहे.
यावेळेस जिल्हा उपाध्यक्ष संतोष रोगे, मारेगाव शहराध्यक्ष नबी शेख, मनविसे तालुका अध्यक्ष लाभेश खाडे, मारेगाव शहराध्यक्ष मनविसे चांद बहादे, आकाश खामणकर, वसंता घोटेकर,प्रशांत चौधरी,विनय रोगे,पिंटू राजूरकर,मारोती तुराणकर,अंकुश वैद्य, आशिष खंडाळकर यास असंख्य मनसे पदाधिकारी व कार्यकर्त्यांची उपस्थिती होती.