सह्याद्री चौफेर | न्यूज
वणी, मारेगाव आणि झरी तालुक्यातील शेतकऱ्यांनी बँकेचे कर्ज घेऊन खरिपाची लागवड केली. सुरुवातीला पाऊस न आल्याने दुबार पेरणी करावी लागली. त्यातच आता अतिवृष्टी झाल्यामुळे नदी नाल्याला पूर ओसंडून वाहू लागल्याने शेतकऱ्यांची हातची पिके पाण्याखाली गेली. त्यामुळे शेतकऱ्यांवर असमानी आणि सुलतानी अशी वारंवार संकटं ओढावली असतांना शेतकऱ्यांच्या मदतीसाठी महाराष्ट्र नवनिर्माण सेना पुढे सरसावली आहे. नेते पुढारी निवडणूकीच्या कामात मस्त, विधानसभा क्षेत्रातील पुरपीडित नापिकीने त्रस्त असून शेतकऱ्यांच्या दारात "राजूभाऊ" फक्त हे चित्र अनेकांनी बोलून दाखवले.
त्यामुळे शेतकऱ्यांच्या हितासाठी राजसाहेब ठाकरे अल्पभूधारक शेतकरी दत्तक योजना सुरू करण्यात आली आहे. जेणेकरून अशा परिस्थितीत बळीराजा खचला जावू नये, त्याचे मनोबल वाढले पाहिजे, यासाठी पूरग्रस्त अल्पभूधारक शेतकरी दत्तक योजनेअंतर्गत मोफत बियाणे व इतर साहित्य वाटप कार्यक्रम करण्यात येणार असून भव्य शेतकरी मेळावा आयोजित करण्यात आला आहे. जगाचा पोशिंदा संकटात असताना मदत तर दूरच पण प्रशासन त्याच्यापर्यंत पोहोचलेले देखील नाही. शेतकरी हतबल झाला आहे त्यामुळे त्याला उभारी देण्याकरिता ही योजना असून जिल्ह्यात पहिला टप्पा वणी विधानसभा क्षेत्रात राबवण्यात येत असल्याचेही उंबरकर म्हणाले.
सन्माननीय राजसाहेब ठाकरे पूरग्रस्त अल्पभूधारक शेतकरी दत्तक योजनेचा शेतकरी मार्गदर्शन मेळावा व बियाणे वाटपाचा कार्यक्रम आयोजित करण्यात आला आहे. याचा लाभ तालुक्यातील शेतकऱ्यांनी घ्यावा असे आवाहन मनसे तालुका उपाध्यक्ष अनंता भाऊ जुमळे यांनी केले.