सह्याद्री चौफेर | ऑनलाईन
मारेगाव : पहलगाम येथे पर्यटकांवर झालेल्या हल्ल्यात मारेगाव तालुक्यातील पर्यटक अडकले असतील अशा व्यक्तींच्या नातेवाईकांना मारेगाव तहसीलदार यांनी मोठं आवाहन केले आहे.
सदरील घटनेत तालुक्यातील पर्यटक तिथे अडकले असतील, तर त्यांच्या कुटुंबीयांना शासनाकडून मदत करता येईल. या साठी संपर्क साधावा असें तहसीलदार उत्तम निलावाड,मारेगाव यांनी प्रसिद्धीस दिलेल्या संदेशात म्हटलं आहे.
त्यांनी आपल्या संदेशात म्हटलं आहे की,श्रीनगर आणि जम्मू काश्मीर येथे घडलेल्या घटनेमुळे मारेगांव तालुक्यातील त्याठिकाणी पर्यटक अडकलेले असतील, त्यांचे नातेवाईकानी त्यांचे नाव व मोबाईल क्रमांक आणि सध्या जिथे आहेत तेथील पत्ता मला उपलब्ध करून द्यावा,जेणेकरून मला (तहसीलदार मारेगाव) त्यांची माहिती मा. जिल्हाधिकारी महोदय यवतमाळ यांचे मार्फत शासनास, जम्मू आणि श्रीनगर प्रशासनास विहित वेळेत कळविता येईल.