परप्रांतातील गांजा तस्कर पोलिसांच्या जाळ्यात

सह्याद्री चौफेर । कुमार अमोल 

यवतमाळ : स्थानिक गुन्हे शाखेकडील पथक पोलीस ठाणे पांढरकवडा हद्दीत फरार पाहिजे आरोपी शोध व अ उघड गुन्हे उघडकीस आणण्याचे दृष्टीने संशयीत आरोपींचा मागोवा घेत असतांना पथकास गोपनीय बातमीदारकडुन खात्रीलायक माहिती मिळाली की, एक निळ्या रंगाचे शर्ट व काळया रंगाचा पॅट घातलेला व्यक्ती एका प्लास्टीक चुंगडीमध्ये गांजा नावाचा अंमली पदार्थ बाळगून रुंझा गावाचे बाहेरील यवतमाळ रोड वरील पेट्रोल पंपाजवळ उभा आहे.

अशी विश्वसनिय माहिती प्राप्त झाले वरुन पथकाने तत्काळ वरिष्ठांना सदर माहिती बाबत अवगत करुन त्यांचे मार्गदर्शनानुसार पोलीस ठाणे पांढरकवडा येथील अधिकारी अंमलदार यांचेसह कारवाई करीता लागणारी कायदेशीर पुर्तता करुन घटनास्थळी रवाना झाले. व माहिती प्रमाणे इसमाचा शोध घेत असतांना एक इसम माहिती मधील वर्णना प्रमाणे रुंझा गावाचे बाहेरील यवतमाळ रोड वरील पेट्रोलपंपाजवळ असलेल्या लिंबाचे झाडा जवळ हातात एक प्लास्टीकचे चुंगडे घेवुन असलेला दिसुन आल्याने त्यास पोलीस स्टाफ चे मदतीने ताब्यात घेवुन त्याचे नांव पत्ता विचारला असता त्याने त्याचे नांव अलीम खान सलीम खान (वय 29) वर्षे, रा. अबुबकर मस्जीद जवळ, शांतीनगर अदिलाबाद राज्य तेलंगना असे सांगीतल्याने त्याची पंचासमक्ष अंगझडती घेतली असता त्याचे कब्जात असलेल्या एका प्लास्टीक चुंगडीमध्ये खाकी टेपने गुंडाळलेल्या वेगवेगळया चार पाकीटामध्ये एकुण 08.870 किलो ग्राम गांजा किमंत 1,05,204 रुपयाचा मिळुन आल्याने सदरचा गांजा व आरोपीचे अंगझडतीत मिळुन आलेला एक मोबाईल व नगदी पन्नास रुपये असा एकुण 1,05,754 रुपयाचा मुद्देमाल जप्त करुन आरोपी नामे अलीम खान सलीम खान (वय 29) वर्षे, रा. अबुबकर मस्जीद जवळ, शांतीनगर अदिलाबाद राज्य तेलंगना याचे विरुध्द पोलीस ठाणे पांढरकवडा येथे एन.डी.पी.एस. अॅक्ट अंतर्गत गुन्हा नोंद करण्यात आला आहे.

सदरची कारवाई ही मा. पोलीस अधीक्षक, यवतमाळ डॉ. पवन बन्सोड, अपर पोलीस अधीक्षक, पियुष जगताप, आधारसिंग सोनोने, पोलीस निरीक्षक, स्थागुशा यवतमाळ, श्री. दिनेश झांबरे, ठाणेदार पो.स्टे. पांढरकवडा यांच्या मार्गदर्शनात सपोनि विवेक देशमुख, स्थागुशा यवतमाळ, पोउपनि देवेंद्र मेशकर, पो.स्टे. पांढरकवडा पोलीस अंमलदार विनोद राठोड, प्रशांत हेडाउ, उल्हास कुरकुटे, धनंजय श्रीरामे स्था.गु.शा. यवतमाळ व मारोती पाटिल, सचीन काकडे, राजु बेलेवार पो.स्टे. पांढरकवडा यांनी यशस्वीरित्या पार पाडली.