सह्याद्री चौफेर | वृत्तसंस्था
वणी : आज सोमवार ४ सप्टेंबर ला "मुझे चढ गया भगवा रंग" फेम प्रसिद्ध भजन गायिका शहनाज अख्तर यांचा वणीमध्ये पहिल्यांदाच हिंदी मराठी सदाबहार भक्ती गीतांचा कार्यक्रम होणार आहे. सायंकाळी ६ ते रात्री १० पर्यंत भजनसंध्याचे आयोजन करण्यात आले आहे. गायिका शहनाज अख्तर श्रोत्यांना मंत्रमुग्ध करणार आहे. या निमित्ताने त्यांच्या गाजलेल्या गाणी त्यांच्याच सुमधुर आवाजातून प्रेक्षकांना थेट ऐकायला मिळणार असल्यामुळे साहजिक वणीकरांचे विशेषतः भजनप्रेमींचे पाय भक्ती रसात थिरकणार आहे.
शहरातील प्रतिष्ठित व्यापारी विजय चोरडिया यांच्या वाढदिवस निमित्ताने 31 ऑगस्ट ते 5 सप्टेंबर पर्यंत सतत सहा दिवस सामाजिक उपक्रम राबविण्यात येत आहे. त्यात मारेगाव, कायर वणी येथे मोफत नेत्र तपासणी व मोतीबिंदू शस्त्रक्रिया शिबिराचे आयोजन करण्यात आले होते. या शिबिराला नागरिकांचा उत्स्फूर्त प्रतिसाद मिळाला. जवळपास दोन हजाराच्या वर वणी विधानसभा क्षेत्रातील नागरिकांनी लाभ घेतला आहे. आज रविवार (ता.3) सप्टेंबर ला अमृत भवन येथे लहान मुलांसाठी विविध स्पर्धांचं आयोजन करण्यात आले होते. यात प्रदर्शनी व आनंदमेळा आयोजन करण्यात आले. दुपारी ३ वाजता पासून तर सायं. ६ वाजेपर्यंत असंख्य बालगोपाल सहभागी झाले होते.
