सह्याद्री चौफेर | वृत्तसंस्था
राजेश्वर सुरेश चापडे (34) रा. रंगनाथ नगर व शिवा भारतभूषण शर्मा (29) रा. रंगारीपुरा असे या अटक करण्यात आलेल्या आरोपींचे नाव आहे. दरम्यान, घटनास्थळावरून पोलिसांनी 1 लाख 57 हजार रुपयांचा मुद्देमाल जप्त केला आहे.
वणी शहरातील रंगारीपुरा परिसरात क्रिकेट सामन्यांवर सट्टा खेळवला जात असल्याची गुप्त माहिती गुन्हे शोध पथकाला मिळाली. त्या माहितीच्या आधारे डिबी पथकाने रंगारीपुरा परिसरातील एका बंद खोलीमध्ये सुरु असलेल्या ऑनलाईन (online) क्रिकेट सट्यावर धाड टाकली.यात सामन्यांवर सट्टा घेणाऱ्या दोन सट्टेबाजांना पोलिसांनी घटनास्थळावरून रंगेहाथ ताब्यात घेतले. दरम्यान,क्रिकेट बेटिंग करिता वापरले जाणारे साहित्य जप्त करण्यात आले. यात 4 मोबाईल, एलईडी टिव्ही, लॅपटॉप असा एकूण 1 लाख 57 हजार रुपयांचा मुद्देमाल पोलिसांनी जप्त केला आहे.
पाकिस्तान सुपर लीग क्रिकेट सामन्यांची मालिका सुरु असून, कराची विरुद्ध इस्लामाबाद संघादरम्यान सुरु असलेल्या सामन्यावर ऑनलाईन सट्टा खेळविला जात होता. याची माहिती डिबी पथकाला मिळाल्याने त्यांनी रंगारीपुरा परिसरातील एका खोलित सुरु असलेल्या अड्यावर धाड टाकून दोघांनाही क्रिकेट सामन्यांवर ऑनलाईन सट्टा घेतांना रंगेहाथ अटक केली.
सदरची कार्यवाही जिल्हा पोलिस अधीक्षक पवन बन्सोड, अप्पर पोलिस अधिक्षक पियुष जगताप, एसडीपीओ संजय पुज्जलवार, यांच्या मार्गदर्शनात ठाणेदार प्रदीप शिरस्कर, डीबी पथकाचे सपोनि आशिष झिमटे, डिबी पथकाचे सुदर्शन वानोळे, डोमाजी भादीकर, सुहास मंदावार, हरिन्द्रकुमार भारती, सागर सिडाम, शुभम सोनुले, पुरुषोत्तम डडमल, छाया उमरे यांनी केली.