सह्याद्री चौफेर | रूस्तम शेख
कळंब : कळंब तालुक्यातील कात्री येथे संबधित विभागाची कोणतीही परवानगी नसतांना दिवान मार्केटिंग योजने अंतर्गत अवैद्यरित्या लकी ड्रा सुरु आहे.
या लकी ड्रॉ च्या माध्यमातून ग्रामीण भागातील शेतकरी, शेतमजुरांची करोडो रुपयाची आर्थिक फसवणूक होऊ नये या उद्देशाने कात्री येथील दिवान मार्केटिंग योजनेची (लकी ड्रा) चौकशी करावी अशी मागणी रिपब्लीकन पार्टी ऑफ इंडियाच्या वतीने यवतमाळ जिल्हा प्रसिद्धी सचिव कुणाल आठवले यांनी निवेदना व्दारे केली आहे.
तसेच या प्रकरणाची चौकशी करण्यात आली नाही तर पार्टीच्या वतीने जन आंदोलन करण्यात येईल असा तिर्व इशारा कुणाल आठवले यांनी जिल्हाधिकारी यवतमाळ व जिल्हा पोलीस अधिक्षक यवतमाळ यांना सादर केलेल्या निवेदनात दिला आहे.
सदर लकी ड्रा चे पायेमुळे खोलवर रूजले असुन संपुर्ण तालुक्यात याचे जाळे पसरलेले आहेत.
पोलीस विभागाने कसून चौकशी केल्यास अनेक अवैद्य धंदयात दिवाण मार्केटिंगचे मालक शेख शब्बीर यांचे हितसंबंध असल्याचे उघडकीस येऊन या मध्ये मोठे मासे अडकण्याची दाट शक्यता आहे.
तरी पोलीस विभागाने याची सखोल चौकशी करावी अशी मागणी रिपब्लीकन पार्टी ऑफ इंडिया च्या वतीने करण्यात येत आहे.