सह्याद्री चौफेर | वृत्तसंस्था
आकाश गाऊत्रे (28) रा.रंगारी पुरा व अमोल मडावी (29) रा जैताई नगर अशी या अपघातात ठार झालेल्या युवकांची नावे आहेत. तर रानु तुमराम (27) रा भीम नगर, हा युवक गंभीर जखमी असून त्याचा उजवा पाय फॅक्चर झाला असल्याचे समजते. हे तीनही युवक वणी शहरातील रहिवासी आहे.
वरोरा येथून हे तिघेही काम आटोपून युवक दुचाकीने वणीकडे निघाले, वणी कडे परत येत असताना सावर्ला-नायगाव जवळ त्याच्या दुचाकीला भरधाव कारने जोरदार धडक दिली. अपघात एवढा भीषण होता की, कार व दुचाकीचा पूर्णतः चेंदामेंदा झाला. दुचाकी वरील एक जण जागीच ठार झाला तर, एकाचा रुग्णालयात मृत्यू झाला. व एकाला गंभीर दुखापत झाली आहे.
घटनेची माहिती पोलिसांना मिळताच पोलिसांनी तात्काळ घटनासथळाकडे धाव घेत जखमींना उपचारासाठी रवाना केले. तर मृतदेह उत्तरीय तपासणी करिता पाठविला. मात्र,कार चालक व मालकाचे नाव मात्र कळू शकले नाही. फेब्रुवारी आरंभ झाला आणि गेल्या काही दिवसापासून अपघाताची मालिका सुरूच असल्याचे दिसून येत असून फेब्रुवारी एंडिंग भीषण अपघाताने नोंद झाली.
सदरील घटनेचा पुढील तपास पोलिस करीत आहे.