वणी : दि. वसंत को-ऑपरेटीव्ह शेतकरी जिनिंग अँड प्रेसिंग फॅक्टरी निवडणुकीचा धुरळा उडताच तब्बल चार पॅनल उभे ठाकले आहे. आपलेच पॅनल शिक्कामोर्तब करेल यासाठी राजकीय पराकाष्ठा सुरू झाली असून यात जय सहकार पॅनलला मतदारांचा वाढता प्रतिसाद पाहता अन्य पॅनल चे धाबे दणाणले. त्यामुळे ही निवडणूक एकतर्फी होते की काय? असे वाटायला लागले आहे.
चार पॅनल ने एकमेकांसमोर दंड थोपटले असून वसंत जिनिंग निवडणूक लढत काट्याची होणार असे संकेत दिसून येत असून वसंत जिनींगची निवडणूक अंतिम टप्यात आलेली आहे. या निवडणुकीत एकूण चार पॅनल आमने-सामने उभे ठाकलेले आहे. सध्यस्थितीत सत्तारूढ असलेले अ‍ॅड.देविदास काळे (गट) समर्थित जय सहकार पॅनल,काँग्रेस समर्थित परिवर्तन पॅनल, भाजप समर्थित शेतकरी एकता पॅनल आणि मराठा सेवा संघ -भारतीय कम्युनिस्ट पक्ष - शेतकरी संघटना समर्थित वसंत जिनिंग बचाव पॅनल असे चार पॅनलने निवडणूक रिंगणात उडी घेतली आहे.
या निवडणूक प्रचाराच्या अनुषंगाने जय सहकार पॅनल चा "डोअर टू डोअर" सुरू असलेल्या दणदणीत प्रचारात सहकार ला जास्त पसंती मिळताना दिसून येत आहे. अ‍ॅड. देविदास साहेब काळे यांच्या कुशल नेतृत्व व विकासात्मक धोरणामुळे मागील रंगनाथ चा विजय झाला. तोच येथेही होईल असे अप्रत्यक्ष बोलल्या जात आहे.
मात्र, ही चौरंगी निवडणूक लढत काट्याची होणार आहे. मतदार राजा जाणता झाला असून अनुभवी माणूस आणि विकास याकडेच मतांचा कल असणार आहे. आता या निवडणूक लढ्यात कोण मुसंडी मारते हे अवघ्या दिवसातच कळणार आहे.