रवी घुमे | सह्याद्री चौफेर
मारेगाव : स्थानिक कला वाणिज्य व विज्ञान महाविद्यालय मारेगाव येथील राष्ट्रीय सेवा योजना विभागाच्या वतीने 24 सप्टेंबर म्हणून राष्ट्रीय सेवा योजना दिन स्वच्छता अभियान व वृक्ष वाटप कार्यक्रम राबवून साजरा करण्यात आला. कार्यक्रमा मध्ये संबोधित करत असताना प्रा. अक्षय जेनेकर यांनी विद्यार्थी दशेत समाजसेवेची जाण निर्माण झाली पाहिजे व संत गाडगेबाबांनी केलेल्या कार्याचा उल्लेख केला.
कार्यक्रमाला आदी मान्यवर उपस्थित होते त्यात प्रामुख्याने महाविद्यालयाचे अधिक्षक श्री. रवींद्र धानोरकर, डॉ. गजानन सोडनर, डॉ. प्रवीण कुलकर्णी, प्रा. रुपेश वांढरे, डॉ. नितेश राऊत डॉ. घोडखांदे मॅडम यांच्यावतीने संत गाडगेबाबा यांच्या प्रतिमेचे पूजन करण्यात आले व वृक्ष वाटपाचा कार्यक्रम पार पडला.तसेच स्वच्छता अभियान राबवून महाविद्यालय परिसर स्वच्छ करण्यात आला.
कार्यक्रमाच्या आयोजनासाठी रासेयो कार्यक्रमाधिकारी प्रा. बाळासाहेब देशमुख व सहकार्यक्रमाधिकारी प्रा. विजय भगत, प्रा. माधुरी शेंडे व रासेयो विद्यार्थ्यांनी पुढाकार घेतला.