कुमार अमोल | सह्याद्री चौफेर
वणी : शहरात शांतता नांदावी म्हणून मोहरम, रक्षाबंधन, स्वातंत्र दिन, पारशी नूतन वर्ष, श्रीकृष्ण जन्माष्टमी, पोळा, श्री गणेश चतुर्थी, या आगामी सणांच्या निमित्ताने वणी पोलिस स्टेशन प्रांगणात शांतता समितीची बैठक (ता.3 ऑगस्ट) रोजी सायंकाळी 6 वाजता घेण्यात आली.
सभेला उपविभागीय पोलिस अधिकारी संजय पुज्जलवार हे अध्यक्ष म्हणून उपस्थित होते. ठाणेदार रामकृष्ण महल्ले, वाहतूक शाखेचे सपोनी संजय आत्राम, न.प. उपमुख्याधिकारी खुषाल भोंगळे, बांधकाम विभागाचे अधिकारी, विज वितरण कंपनीचे उपस्थित होते.
बैठकीला समितीच्या सभासदांनी पुढील येणाऱ्या सण उत्सवात अडचणी मांडल्या, त्यावर संबंधित विभागाच्या अधिकाऱ्यांनी तात्काळ दखल घेण्यात येईल असे आश्र्वासन दिले. सर्व सभासदांनी पोलिस प्रशासनाला सहकार्य करावे असे शांतता समितीच्या वतीने आज बैठकीत सांगण्यात आले.
या बैठकीत पुरूषोत्तम पाटील, राजाभाऊ पाथ्रटकर, राजाभाऊ बिलोरीया, दिपक कोकास, गजानन कासावार, प्रमोद वासेकर, कुणाल चोरडिया, उमेश पोद्दार, शालीनी रासेकर, निलीमा काळे, आरती वांढरे, मंदा बांगरे या सह पत्रकार, शहरातील प्रतिष्ठित नागरिक, व उत्सव समितीचे अध्यक्ष, सदस्य, महिला प्रामुख्याने उपस्थित होते.
बैठकीचे संचालन ठाणेदार रामकृष्ण महल्ले यांनी तर आभार प्रदर्शन सपोनी माया चाटसे यांनी केले.