कुमार अमोल | सह्याद्री चौफेर
यावेळी मारेगाव येथे स्थानिक नियोजित पेट्रोल पंप समोरील विशाल मंडपात काँग्रेस पदाधिकारी व शेकडो कार्यकर्त्यांनी धरणे आंदोलन करीत काँग्रेसचे नेते माजी आमदार वामनराव कासावार, नरेंद्र ठाकरे, अरुणाताई खंडाळकर, उत्तमराव गेडाम, धनंजय आसुटकर, मारोती गौरकार आदींनी केंद्र सरकारच्या महागाई व अडेलतट्टू धोरणावर भाषणातून जोरदार प्रहार केला.
काँग्रेस माजी आमदार व नरेंद्र पा. ठाकरे यांच्या नेतृत्वाखाली कार्यकर्त्यांनी मारेगाव यवतमाळ महा मार्गांवर महागाई, बेरोजगारी अग्निपथ व जीवनावश्यक वस्तू वरील वाढविलेल्या जी एस टी (GST) विरोधात दरवाढीचा निषेध करित मोदी सरकार विरोधात घोषणा देण्यात आल्या. सरकारने घेतलेल्या इंधनदरवाढीच्या निर्णयामुळे गाड्यांना धक्का द्यायची वेळ आली असल्याची प्रतिक्रिया यावेळी काँग्रेसकडून देण्यात आल्या. दरम्यान, काही वेळ "रास्ता रोको" आंदोलनानंतर असंख्य आंदोलन कर्त्यांना पोलिसांनी ताब्यात घेत सुटका केली.
या आंदोलनात नंदेश्वर आसुटकर, रमन डोये, तुळशीराम कुमरे, विलास वासाडे, नानाजी डाखरे, अरविंद वखनोर, अनिल आत्राम, वसंत आसुटकर कृषी उत्त्पन्न बाजार समिती उपसभापती, शंकरराव मडावी अध्यक्ष शहर काँग्रेस कमिटी,मारेगाव, रवी धानोरकर, यादवराव काळे, अंकुश माफूर, यादवराव पांडे, गजानन खापणे, उत्तम दातारकर, वसंतराव लांबट, इस्माईल शेख, छायाताई किनाके नगरसेविका, अनिताताई परचाके, सुषमाताई काळे, बेबीताई बोधले, मालाताई बदकी, माया ताई गाडगे, शकुंतला ताई वैद्य, मंजुषा मडावी, माया ताई पेंदोर, जिजाताई वरारकर, काळे मॅडम आदीं उपस्थित होते.
या आंदोलनाला सखी मंचचा सुद्धा सहभाग व समर्थन मिळाले हे विशेष...