कुमार अमोल | सह्याद्री चौफेर
सविस्तर असे की, प्रणब मंडल (30) रा.आसानगर जिल्हा नदीया (पश्चिम बंगाल) हा बोगस डॉक्टर मागील काही महिन्यापासून मारेगाव तालुक्यातील चिंचाळा येथे तपासणी करीत होता. याबाबतची माहिती प्राप्त होताच तालुका आरोग्य विभागाच्या पथकाने छापा टाकला. दरम्यान, या बोगस डॉक्टराकडे नॅचरोपॅथी आणि योगा (Naturopathy & Yoga) हे दोन वर्षाचे डिप्लोमा सर्टफिकेट आढळले. यात केवळ योगा करण्याची परवानगी आहे. सोबतच त्याचेकडे ऑलोपॅथी मेडिसीनही आढळल्याने ते नागरिकांच्या आरोग्याशी खेळत फसवणूक करीत असल्याचा आरोग्य विभागाने ठपका ठेवत स्वतः तालुका आरोग्य अधिकारी देठे यांनी मारेगाव पोलिसात फिर्याद दाखल केली.
तालुक्यातील जनतेच्या आरोग्याशी खेळणाऱ्या या बोगस डॉक्टरावर मारेगाव तालुका आरोग्य विभागाने छापा टाकून पोलिसांच्या स्वाधीन केल्याने बोगस डॉक्टरावर (4 ऑगस्ट) रोजी गुरुवारला रात्री उशिरा गुन्हा दाखल करण्यात आला.
सदर डॉक्टरला 1961 कायदा क 33 अंतर्गत ऑलोपॅथी प्रॅक्टिस करण्याचा कोणताही अधिकार नसतांना व ऑलोपॅथी औषध वापरत प्रथमदर्शनी निदर्शनास आल्याने बोगस डॉक्टर प्रणब मंडल यांचेवर कलम क 33 नुसार गुन्हा दाखल करण्यात आला आहे. पुढील तपास ठाणेदार राजेश पुरी यांचे मार्गदर्शनात जमादार राजेंद्र चांदेकर, सुंकुलवार करीत आहे.
विशेष उल्लेखनीय की, असे बोगस डॉक्टर तालुक्यातील खेड्या पाड्यात आपले ठाण मांडून गोरगरीब जनतेच्या जीवाशी खेळत असतील. यावर संबंधित विभागाने कठोर पाऊले उचलवी अशा प्रतिक्रिया या कारवाईच्या निमित्ताने जनता देत आहे.