मारेगाव : मारेगाव पोलीस स्टेशन अंतर्गत येत असलेल्या गौराळा फाट्या जवळ भरधाव वेगाने येत असलेल्या टाटा एस (TATA ACE) या छोटा हत्ती वाहनाने विरुद्ध दिशेने जाणाऱ्या मोटरसायकल स्वारांना जोरदार धडक दिल्याने एक जण घटनास्थळी ठार झाला तर, सहकारी जखमी झाल्याची घटना आज सकाळी साडे अकरा वाजता च्या दरम्यान घडली.
बाळकृष्ण महादेवराव पाचभाई (60) मु.कवठाळा ता.कोरपना जिल्हा चंद्रपूर असे अपघातात ठार झालेल्या इसमाचे नाव असून, त्याचा सहकारी जखमी आहे. जखमीवर वणी येथील रुग्णालयात उपचार सुरू आहे, तर मृतक महादेव पाचभाई यांचा मृतदेह मारेगाव रुग्णालयात हलविण्यात आला.
दरम्यान, टाटा एस (TATA ACE) छोटा हत्ती वाहन वणी वरून मारेगावकडे येत असतांना बाईकस्वार विरुद्ध दिशेने जात होते. राज्यमहामार्गावरील खड्डा वाचविण्याच्या नादात हा अपघात झाल्याची माहिती पोलिस सूत्रांनी दिली.
