"अष्टपैलू व्यक्तिमत्व म्हणजे" छत्रपती शिवाजी महाराज - डॉ. रेखा बडोदेकर

सह्याद्री न्यूज | कुमार अमोल 

वणी : छत्रपती शिवाजी महाराजांनी स्त्रियांना स्वातंत्र्य व सुरक्षा खऱ्या अर्थाने प्राप्त करून दिली, सरंजामशाहीच्या काळात छत्रपती शिवाजी महाराजांनीं स्वराज्याची निर्मिती केली.

स्वराज्यात परस्त्री आणि परधर्माची अवहेलना करणाऱ्यांची गय केली जात नव्हती. व जनतेचा हित जपणारा राजा व शेतकऱ्यांच्या काडीलाही धक्का न लागू देणारा राजा शिवाजी व त्यांच्या जीवन काळात केलेल्या वेगवेगळ्या मोहिमावर आणि जीवन कार्यावर लोकमान्य टिळक महाविद्यालय वणी येथे राष्ट्रिय सेवा योजनाआणि समाजशास्त्र विभागा तर्फे आयोजित शिवजयंती प्रसंगी आयोजित व्याख्यानात इतिहास विभाग प्रमुख डॉ. रेखा बडोदेकर यांनी शिवाजी महाराजांच्या जीवन चरित्रावर प्रकाश टाकला.

   

शिक्षण प्रसारक मंडळ द्वारे संचालित लोकमान्य टिळक महाविद्यालय वणी येथे छत्रपती शिवाजी महाराज जयंती चा कार्यक्रम आयोजित करण्यात आला. शिवाजी महाराजांचे स्त्री विषयक विचार या विषयावर त्या आपले मत व्यक्त करीत होत्या. या कार्यक्रमाच्या अध्यक्ष स्थानी महाविद्यालयातील रासेयो कार्यक्रमाधिकारी व समाजशास्त्र विभाग प्रमुख डॉ. नीलिमा दवणे या होत्या. त्यांनी आपल्या अध्यक्षीय मनोगता मध्ये शिवाजी महाराजांच्या तत्व वादी विचारसरणी वर चर्चा केली. स्वराज्य स्थापन करताना अनेक अडचणी आणिआव्हाने महाराजांनी मोठ्या शिताफीने, चतुराईने सांभाळली तसेच आजच्या तरुणा समोर असणारे आव्हाने कशी स्वीकारावी आणि त्यातून मार्ग कसा काढायचा याचं ज्ञान या थोर पुरषांच्या जिवन चरित्रा मधून मिळते , या थोर परुषांच्या चरित्रा मधून विद्यार्थ्यांनी आपले व्यक्तिमत्त्व घडवावे , आपल्या विचारात या थोर पुरषांना जिवंत ठेवावे, असे मत व्यक्त केले. 

या कार्यक्रमाचे प्रास्ताविक व सूत्रसंचालन प्रा. किशन घोगरे यांनी केले. व आभार वैष्णवी निखाडे हिने मानले.