कवी नीरज आत्राम "महाराष्ट्र प्रतिमा गौरव पुरस्कार २०२१" ने सन्मानीत

सह्याद्री न्यूज | कालू रामपुरे 

वरोरा : इमेज इंटरनॅशनल ऑनलाईन रिसर्च सेंटर, कला साहित्य सामाजिक लोकसंवाद प्रतिमा संमेलन कोल्हापूर २०२१ आयोजित हा कार्यक्रम राजर्षी शाहू स्मारक सभागृह कोल्हापूर येथे संपन्न झाला.

या कार्यक्रमाचे अध्यक्ष मा. ए. आर. आखाडे अध्यक्ष निवड समिती कला साहित्य सामाजिक लोकसंवाद कला संमेलन प्रमुख पाहुणे मा. माधव अभ्यंकर सुप्रसिद्ध अभिनेता झी मराठी रात्रीच खेळ चाले मालिका फेम, श्री बालक्रीष्ण खरात हे लाभले. या कार्यक्रमाच्या माध्यमातून या सेंटर मार्फत विविध क्षेत्रात निस्वार्थीपणे सामाजिक तथा सेवाभावी उल्लेखनीय कार्य करुन सामाजिक परिवर्तनाची प्रतिमा आपल्या कर्तृत्वाच्या वैशिष्ट्यपूर्ण गुणवत्तेच्या जोरावर आदर्श समाजसेवेची गौरव मुद्रा उमटविले आहेत. अश्याच नामवंत कला, क्रिडा, शिक्षण, साहित्य, व सामाजिक कार्यात योगदान देवून आपली वेगळी ओळख निर्माण करणाऱ्या व्यक्तींचा इमेज इंटरनॅशनल ऑनलाईन रिसर्च सेंटर कोल्हापूर च्या वतीने दरवर्षी महाराष्ट्र प्रतिमा गौरव पुरस्कार देवून सन्मान केला जातो, यावर्षी विदर्भातील निवडक व्यक्तींमध्ये सामाजिक कार्यकता, शिक्षक, कवी नीरज महादेव आत्राम, आनंदवन वरोरा "महाराष्ट्र प्रतिमा आरोग्य सेवा पुरस्कार २०२१" ने या कार्यक्रमाला प्रमुख अतिथी म्हणून लाभलेले रात्रीस खेळ चाले मालिकेतील सुप्रसिद्ध अभिनेते माधव अभ्यंकर यांच्या शुभहस्ते सन्मानीत करून गौरविण्यात आले.

 कवी नीरज आत्राम हे अनेक नामवंत सामाजिक साहित्यिक संस्थेच्या वेगवेगळ्या पदावर कार्यरत असून,ते आनंद निकेतन कनिष्ठ महाविद्यालय आनंदवन वरोरा जिल्हा चंद्रपूर येथे वाणिज्य शाखेत शिक्षक म्हणून कार्यरत आहेत. त्यांनी आतापर्यंत समाज प्रबोधनात्मक कार्यक्रम केलेले आहेत. त्यांच्या अनेक कविता चारोळ्या रेडिओ पुणेरी आवाज FM 107.8 वर सादर झाले आहेत. त्यांचा चारोळ्यांची माड चारोळी संग्रह प्रकाशित झालेला आहे. अनेक पुस्तकांमध्ये त्यांच्या कविता, हायकू संपादकीय पुस्तकात प्रकाशित झाले आहेत. त्यांनी अनेक कार्यक्रमांचे सूत्रसंचालन, नामांकित स्पर्धा मधे सहभाग, परीक्षक, आयोजक म्हणून त्यांनी जबाबदारी पार पाडलेली आहे. अनेक साहित्य संमेलन व कवी संमेलनामध्ये त्यांनी आपल्या कवितांच्या माध्यमातून अनेक सामाजिक व ज्वलंत विषयांना हाताळलेले आहेत. त्यांना आतापर्यंत अनेक नामवंत संस्थेने पुरस्कार देऊन सन्मानित केले आहे.

त्यांच्या या यशाबद्दल कवी, साहित्यिक, सामाजिक कार्यकर्ते, सहकारी शिक्षक वृंद, अखिल भारतीय ग्रामीण पत्रकार संघ पदाधिकारी, आदिवासी सामाजिक संघटना, विद्यार्थी वर्ग, मित्रपरिवार व परिवारातील, श्री महादेव आत्राम सौ. वेणू आत्राम,सौ. नीता आत्राम, दिलीप आत्राम, सुनील आत्राम, सौ दिक्षा आत्राम, अश्विन आत्राम कु. आचल आत्राम या सर्वांनी अभिनंदन केले व सर्व स्तरांतून अभिनंदनाचा वर्षाव होत आहे.