आगीत नुकसान झालेल्या कुटुंबाची आ. किशोर जोरगेवारांनी घेतली भेट

सह्याद्री न्यूज | किरण घाटे 

चंद्रपूर, (२७ ऑक्टो.) : अचानक घराला आग लागल्याने आर्थिक नुकसान झालेल्या सिताराम वाघडकर कुटुंबीयांची भेट घेत आमदार किशोर जोरगेवार यांनी सदरहु कुटुंबाला आर्थिक मदत केली आहे. यावेळी भिवापूर वार्डातील यंग चांदा ब्रिगेडचे संघटक अमोल शेंडे यांच्यासह शुभम राखडे, सुशील वाकडे, अक्षय बनकर, शुभम वानखेडे, विजय मंदाने, गौरव राखडे, शंकर गजर, करण कात, कैलास गोंडे, विनोद सुडित, रघूनाथ गजर, सखाराम वाघडकर, प्रकाश भगाडे, मनोज सुडित, करण गजर, मनोहर गजर आदींची उपस्थिती होती.  

स्थानिक भिवापूर वार्डातील माता नगर चौक गवडी मोहल्ला येथील रहिवासी सिताराम वाघडकर हे कुटुंबासह बाहेर गेले असता सायंकाळच्या सुमारास त्यांच्या घरातून धूर निघत असल्याचे वार्डातील नागरिकांच्या लक्षात आले. याची माहिती सिताराम यांना मिळताच ते घरी पोहचले तोपर्यंत आगीने घराला चांगलेच कवेत घेतले हाेते नागरिकांनी पाणी टाकून आग विझविण्याचा प्रयत्न केला. काही तासांच्या प्रयत्नांनतर स्थानिकांच्या मदतीने आगीवर नियंत्रण मिळविण्यात यश आले मात्र तोपर्यंत घरातील नगद, सोन्याचे दागिने, विद्युत उपकरणे व महत्वाची कागदपत्रे जळून खाक झाली होती.

या घटनेची माहिती मिळताच आमदार किशोर जोरगेवार यांनी घटनास्थळी दाखल होत पिडीत कुटुंबाची भेट घेत घराची पहाणी केली. यावेळी आ. जोरगेवार यांनी संपूर्ण माहिती घेत सदरहु कुटुंबाला आर्थिक मदत केली असून शासनातर्फे मिळणारी मदतही पिडीत कुटुंबाला लवकर मिळावी या करिता प्रयत्न करणार असल्याचे सांगितले आहे. तसेच सदर घटनेचा पंचनाम करण्याच्या सुचनाही आमदार जोरगेवार यांनी प्रशासनाला केल्या आहे.