सदैव सामाजिक कार्यात अग्रेसर असणांऱ्या यंग चांदा ब्रिगेडच्या वतीने चंद्रपूर येथील अग्नीकांडातील पिडीत कामगारांकरिता भाेजनाची व राहण्याची व्यवस्था !

सह्याद्री न्यूज | किरण घाटे 

चंद्रपूर, (६ ऑक्टो.) : निर्माणाधीन मेडिकल कॉलेजच्या इमारतीला आग लागल्याने येथे काम करत असलेल्या हजारो कामगारांच्या राहण्याचा व भोजनाचा प्रश्न निर्माण झाला होता. याची तात्काळ दखल घेत येथील कामगारांना शक्य ती मदत करत त्यांच्या राहण्याची व भोजनाची व्यवस्था करण्याच्या सूचना चंद्रपूरचे विद्यमान आमदार किशोर जोरगेवार यांनी यंग चांदा ब्रिगेडच्या कार्यकर्त्यांना केल्या होत्या. त्यानंतर काल रात्रीच यंग चांदा ब्रिगेडचे कार्यकर्ते घटनास्थळी दाखल झाले होते. काल पासूनच यंग चांदा ब्रिगेडच्या वतीने येथे मदतकार्य सुरु करण्यात आले असून, येथील कामगारांच्या राहण्याची व जेवणाची व्यवस्था यंग चांदा ब्रिगेडच्या वतीने करण्यात आली आहे.

    

रात्रीच्या सुमारास चंद्रपूरात निर्माणकार्य सुरू असलेल्या नवीन मेडिकल कॉलेजच्या इमारतीला अचानक आग लागली. त्यामूळे येथे काम करत असलेल्या कामगारांच्या जीवनावश्यक वस्तू जळून खाक झाल्या आहे. त्यामूळे कामगार मोठ्या संकटात सापडला होता. सर्व साधनसामुग्री जळल्याने त्यांच्या राहण्याचा व भोजनाचाही मोठा प्रश्न त्यांचे समाेर निर्माण झाला होता.परिस्थितीचे गांभिर्य लक्षात घेता येथील कामगारांना शक्य ती पूर्ण मदत करण्याचे निर्देश आमदार जोरगेवार यांनी यंग चांदा ब्रिगेडच्या कार्यकर्त्यांना दिले होते. तसेच अडचणीत असलेल्या कामगारांच्या भोजनाची व राहण्याची व्यवस्था करण्याच्या सूचनाही त्यांनी वेळीच यंग चांदा ब्रिगेडच्या कार्यकर्त्यांना केल्या होत्या. सुचना प्राप्त होताच रात्री यंग चांदा ब्रिगेडचे कार्यकर्ते घटनास्थळी दाखल होत त्यांच्या वतीने मदत कार्य सुरू करण्यात आले होते. हे मदतकार्य आज दिवसभर सुरु राहिले. या दरम्यान येथील कामगारांच्या राहण्याची व भोजनाची व्यवस्था यंग चांदा ब्रिगेडच्या वतीने करण्यात आली.

या मदतकार्यात यंग चांदा ब्रिगेडचे पंकज गुप्ता, राजेश वर्मा, परमाहंस यादव, अक्षय मिस्त्री, सुरेंद्र अंचल, शुभम जगताप, दिपक निखार, श्रीकिशन केवट, राकेश निरवटला, चंदभूषण पासे यांच्यासह यंग चांदा ब्रिगेडचे इतर कार्यकर्ते सहभागी झाले असल्याचे एका पदाधिका-यांने आज सांगितले.