सह्याद्री चौफेर | अमोल कुमरे
मारेगाव : तालुक्यातील मार्डी–मच्छिन्द्रा-नांदेपेरा मार्गाची सध्या मोठ्या प्रमाणात दुरवस्था झाली असून, रस्त्यावर ठिकठिकाणी पडलेल्या मोठमोठ्या खड्ड्यांमुळे नागरिकांना जीव मुठीत धरून प्रवास करावा लागत आहे. रस्त्याची अवस्था दिवसेंदिवस बिकट होत असतानाही संबंधित प्रशासनाचे याकडे दुर्लक्ष होत असल्याने नागरिकांमध्ये नाराजी व्यक्त होत आहे.
रस्त्याची तातडीने पाहणी करून खड्डे बुजविण्यासह आवश्यक ती दुरुस्ती करण्यात यावी, अशी मागणी परिसरातील नागरिकांकडून होत आहे. प्रशासनाने आणखी किती दिवस दुर्लक्ष करायचे, असा सवालही नागरिक उपस्थित करीत आहेत.
मार्डी–मच्छिन्द्रा-नांदेपेरा मार्गाची तातडीने दुरुस्ती करून नागरिकांना सुरक्षित प्रवासाची सुविधा उपलब्ध करून द्यावी, अशी अपेक्षा व्यक्त होत आहे.