वणी : येथील पोलीस स्टेशन मधील दोन खाकी'त शुल्लक कारणावरून चांगलीच फ्री स्टाईल झाली. ही घटना 29 गुरुवारी च्या रात्री घडली. या फ्री स्टाईल वर जरी सारवासारव करण्यात येत असली तरी पोलीस वर्तुळात मात्र, चर्चेला उधाण आले आहे.
ठाण्याची अब्रू चहाट्यावर आली असून वणी पोलिसांच्या सुस्तावलेल्या कारभारामुळे शहरात मोठ्या प्रमाणात विविध गुन्हेगारीत कमालीची वाढ होत असल्याने जनमानसात प्रचंड भीती पसरली असता पोलिसांच्या कार्यप्रणालीवर नागरिकांकडून प्रश्न चिन्ह उपस्थित होत असून याबाबत वरिष्ठाकडे लेखी निवेदन सादर करून खाकी चा कारभार सुधारा यासाठी मागणी होत आहे. अशातच काल रात्री 11 वाजता दरम्यान, स्टेशन डायरीच्या साजा वरून जमादार धिरज चव्हाण व पीएसआय शिवाजी टिपूर्णे यांच्यात चांगलीच फ्रि स्टाईल झाल्याचे खात्री दायक वृत्त आहे. या प्रकाराने येथील पोलीस निरीक्षक किती कर्त्यवदक्ष आहे याची प्रचिती जनतेला येत असून, चक्क! पोलीस ठाण्यामधील जनतेचे रक्षकच असुरक्षित असून शहरातील व ग्रामीण भागातील जनतेची काय परिस्थिती असेल याचा विचार न केलेलाच बरा.
शहरात कायदा व सुव्यवस्थेचे धिंडवडे निघत असले तरी येथील पोलीस अधिकाऱ्यांचा वचक असणे अभिप्रेत आहे. तूर्तास सण उत्सवाचे दिवस आहे. कायदा व सुव्यवस्था अबाधित राहावी या करिता पोलीस प्रशासनाने दक्ष राहणे गरजेचे आहे. घडलेला प्रकार आतिशय निंदनीय असून कायद्याचे रक्षकच असे कृत्य करत असतील तर पोलीस खात्याची प्रतिमा मलिन होत असल्याचे वास्तव नाकारता येत नाही.