सह्याद्री चौफेर | ऑनलाईन
वणी : नगरपरिषद, जिल्हा परिषद आणि पंचायत समिती निवडणुकांच्या पार्श्वभूमीवर महाराष्ट्र नवनिर्माण सेनेने आज (दि.2 नोव्हें.) स्थानिक मध्यवर्ती कार्यालयात महत्त्वपूर्ण बैठक घेतली. पक्षनेते राजू उंबरकर यांच्या उपस्थितीत झालेल्या या बैठकीत मनसेने आगामी सर्व निवडणुका संपूर्ण ताकदीनिशी लढण्याचा निर्धार व्यक्त केला. वणी नगराध्यक्ष पद अनुसूचित जमाती महिलांसाठी आरक्षित झाल्याने तसेच आरक्षणामुळे बदललेल्या राजकीय समीकरणांचा आढावा बैठकीत घेण्यात आला.
यावेळी मनसे महिला सेनेच्या राज्य उपाध्यक्ष तथा माजी जिल्हा परिषद सदस्या अलका टेकाम (त्रिंबके),शेतकरी सेना जिल्हाध्यक्ष रमेश पेचे,मनसे महिला सेना जिल्हाध्यक्ष अर्चना बोदाडकर, जिल्हा उपाध्यक्ष संतोष रोगे, महेश हातगावकर,वणी तालुकाध्यक्ष फाल्गुन गोहोकार, मारेगाव तालुकाध्यक्ष रूपेश ढोके, अरुणा थेरे, गोविंदराव थेरे, शहराध्यक्ष अंकुश बोढे, माजी नगराध्यक्षा प्रिया लभाणे, माजी आरोग्य सभापती धनंजय त्रिंबके, माजी नगरसेवक प्रकाश पिंपळकर, खरेदी विक्री संघाचे संचालक विनोद कुचनकर, परशुराम खंडाळकर, दिलीप मस्के, विलन बोदाडकर, चांद बहादे, राकेश शंकावार, हरीभाऊ कालेकार, शंकर पिंपळकर, मयूर गेडाम, लक्की सोमकुंवर, सूरज नागोसे, उदय खिरटकर, वैशाली तायडे, शबनम शेख, ज्योती मेश्राम, मेघा तांबेकर, राहुल पानघाटे, काशीनाथ कुमरे, प्रफुल चुक्कलवार,यांच्यासह अन्य पदाधिकारी व कार्यकर्ते मोठ्या संख्येने उपस्थित होते.
राजू उंबरकर यांनी सांगितले की, “मनसेकडे प्रत्येक स्थानिक स्वराज्य संस्थेसाठी सक्षम, जनतेशी जोडलेले आणि कार्यक्षम उमेदवार उपलब्ध आहेत. त्यामुळे पक्ष सर्वच निवडणुकांमध्ये सक्रिय सहभाग घेणार आहे.” तसेच इच्छुक उमेदवारांना आपले अर्ज दिनांक ६ नोव्हेंबरपर्यंत मनसेच्या मध्यवर्ती कार्यालयात सादर करण्याचे आवाहनही त्यांनी केले. यावेळी अनेक वरिष्ठ पदाधिकारी आणि कार्यकर्ते मोठ्या संख्येने उपस्थित होते.
राजकीय विश्लेषकांच्या मते, वणी तालुक्यात मनसेची जनाधाराशी नाळ अजूनही घट्ट आहे. यापूर्वी नगरपालिकेसह जिल्हा परिषद आणि पंचायत समितीमध्ये सत्ता मिळवलेल्या मनसेचा अनुभव आणि सातत्याने सुरू असलेले जनसंपर्क याचा फायदा पक्षाला या निवडणुकीत होऊ शकतो. मनसेच्या या मोर्चेबांधणीमुळे आगामी स्थानिक स्वराज्य निवडणुकीचे राजकीय वातावरण अधिकच तापण्याची चिन्हे दिसत आहेत.