सह्याद्री चौफेर | ऑनलाईन
वणी : १६ जून २०२५ ला भालर वसाहत ते लाठी गावाला जोडणाऱ्या मुख्य रस्त्याच्या दुरावस्थेच्या पार्श्वभूमीवर लाठी भालर वसाहत ग्रामपंचायत सदस्य ॲड.राहुल खारकर यांच्या नेतृत्वात स्थानिक लाठी गावातील नागरिकांनी घेतलेल्या रस्ता रोको आंदोलनाला लेखी आश्वासनानंतर यश मिळाले.
वेल्हाळा बाजार रोड चौक येथे झालेल्या रस्ता रोको आंदोलनात नागरिकांचा मोठ्या प्रमाणावर सहभाग होता.हा रस्ता रोको जवळपास 4 तास चालला परंतु रोड संदर्भात कोणताही मार्ग निघत नसताना आंदोलनाला आमदार श्री. संजय देरकर यांनी आंदोलन स्थळी भेट घेतली व वेकोली प्रशासनाशी चर्चेअंती वेकोली प्रशासनाकडून लाठी भालर वसाहत रोड करिता WBM रोडची तरतूद करून भविष्यात रोडचे नूतनीकरण करण्याचे लेखी आश्वासन दिले.
या आंदोलनात ग्रामपंचायत सदस्य रिना लाडे, अल्का बोरकुटे,ललिता गुंडुकवार यासह असंख्य महिलांचा, युवकांचा, ग्रामस्थांचा,युवा शक्ती क्रांतिकारी संघटना,संभाजी ब्रिगेड पदाधिकारी यांचा सहभाग दिसून आला. मागील अनेक महिन्यांपासून वेकोली प्रशासनाकडे रस्त्याच्या नूतनीकरणाची मागणी केली होती, परंतु याकडे दुर्लक्ष केल्याने हे आंदोलन करण्यात आले.
