कुमार अमोल | सह्याद्री चौफेर
मागे अमरावती विभागाने वणीत रेकी करून मोठी कारवाई केली होती त्या कारवाईने दूरदूर पर्यंत चांगलीच चर्चा रंगली असतांना यवतमाळ जिल्हा पथकाने नांदेपेरा रोड वर एका घरात सुरु असलेल्या सट्ट्यावर धाड मारली. यात २१ आरोपीना अटक केली असून १३.६ लाखांचा मुद्देमाल जप्त करण्यात आला होता. अलीकडच्या काळातील मोठी कारवाई होती, हे धाड सत्र सुरूच असतांना चिखलगांव येथील खुराणा ले-आऊट मधील एका किरायाच्या रूम मध्ये आयपीएल क्रिकेट सामन्यांवर ऑनलाईन सट्टा घेतला जात असल्याची ठाणेदार महल्ले यांना खात्रीलायक सूत्रांकडून माहिती मिळाली. ठाणेदारांनी सपोनि प्रवीण हिरे यांच्यासह पोलिस पथक तयार करून खुराणा ले-आऊट मधील त्या घराजवळ सापळा रचला. घराचा चारही बाजूंनी ताबा घेत खिडकीतून आत डोकावून पहिले असता,त्या ठिकाणी काही इसम आयपीएल (IPL) च्या सामन्यावर ऑनलाईन सट्टा घेतांना आढळले. पोलिसांनी अतिशय शिताफीने त्या रूम मध्ये प्रवेश करून आयपीएल क्रिकेट सट्ट्याची ऑनलाईन उतारी घेणाऱ्या चार आरोपींना रंगेहाथ अटक केली. यावेळी १० मे ला लखनऊ सुपर जॉईंट विरुद्ध गुजरात टायटन्स या संघादरम्यान सामना होता. त्या ठिकाणी काही ईसम क्रिकेट सामन्यावर ऑनलाईन सट्टा घेतांना आढळून आले. 
सट्ट्याची लागवड घेणाऱ्या चार जणांना पोलिसांनी रंगेहाथ अटक केली. अटक केलेल्या आरोपींमध्ये संदीप नारायण देवगडे (३४) रा. चिखलगांव, सौरभ राजेंद्र मिश्रा (२८) रा. वरोरा, शिवदास संभाजी तडस रा. वरोरा, अब्दुल छनील अब्दुल वाहिद शेख (३५) रा. सुराणा ले-आऊट वणी यांचा समावेश असून त्यांच्यावर मजुका च्या कलम ४,५ व सहकलम १०९ अंतर्गत गुन्हा दाखल करण्यात आला आहे. तर क्रिकेट चा सट्टा सांभाळणारा हा पोलिसांना त्या ठिकाणी आढळून आला नाही. घटनास्थळावरून पोलिसांनी ८८ हजार रोख रक्कमेसह एक बुलेरो वाहन, दुचाक्या, मोबाईल, सट्टा उतरविण्याची सामुग्री असा एकूण ८ लाख ६३ हजार ५०० रुपयांचा मुद्देमाल जप्त केला आहे.
वणी पोलिसांची कारवाई : चिखलगाव येथील IPL सट्यावर धाड; चार जणांना अटक
Reviewed by सह्याद्री चौफेर
on
May 12, 2022
Rating:
Reviewed by सह्याद्री चौफेर
on
May 12, 2022
Rating:
