सह्याद्री चौफेर | ऑनलाईन
मारेगाव : आगामी जिल्हा परिषद व पंचायत समिती निवडणुकीचे आरक्षण जाहीर होताच स्थानिक राजकारणात नव्या समीकरणांची चुणूक दिसू लागली आहे. यामध्ये यवतमाळ जिल्ह्याचे पालकमंत्री मा. संजयजी राठोड आणि माजी आमदार विश्वास नांदेकर यांचे विश्वासू कार्यकर्ते प्रवीण बलकी यांचे नाव विशेष चर्चेत आले आहे.
प्रवीण बलकी हे उत्साही युवा नेते म्हणून राजकीय व सामाजिक क्षेत्रात सक्रिय आहेत. शिवसेना (शिंदे गट) मधील निष्ठावान कार्यकर्ते म्हणून पक्षश्रेष्ठींचा त्यांच्यावर विश्वास असल्याचे राजकीय वर्तुळात बोलले जात आहे. त्यांना उमेदवारी मिळाल्यास पंचायत समिती सदस्यपदासाठी ते आघाडीवर राहतील, असा अंदाज व्यक्त केला जात आहे.
मारेगाव तालुक्यातील तालुका प्रमुख विशाल किन्हेकार यांचे सहकारी असून मजबूत कार्यकर्त्यांचा आणि मित्र परिवारांचा पाठिंबा हे त्यांचे प्रमुख बळ मानले जात आहे. त्यांच्या संभाव्य उमेदवारीमुळे पंचायत समितीच्या राजकारणात नवी चैतन्याची लहर निर्माण होऊ शकते, असे स्थानिक राजकीय निरीक्षकांचे मत आहे.
दरम्यान, पक्ष पातळीवर उमेदवारीसाठीचा अंतिम निर्णय अद्याप झालेला नसला तरी प्रवीण बलकी हे प्रत्यक्षात रिंगणात उतरणार का? याकडे सर्वांचे लक्ष लागले आहे.