सह्याद्री चौफेर| ऑनलाईन
वणी : आदिवासी जनजागृती युवा संघटना व विरांगना राणी दुर्गावती महिला संघटना यांचे संयुक्त विद्यमाने दिनांक 05 एप्रिल 2025 रोज शनिवारला राजूर येथील बिरसा भूमी येथे क्रांतीवीर बाबुराव पुल्लेश्र्वर शेडमाके व विश्वरत्न डॉ. बाबासाहेब आंबेडकर यांच्या जयंती निमित्त एक दिवसीय कार्यक्रमाचे आयोजन करण्यात आले आहे.
सकाळी 9 वाजता आदिवासी संस्कुती नुसार निसर्ग पूजन म्हणून गोंगो पूजा व आदिवासी ध्वजाचे पूजन होईल. त्यानंतर साय. 7 वाजता कार्यक्रमाचे उद्घाटन मा. संजयभाऊ देरकर आमदार वणी विधानसभा यांच्या हस्ते व मा. डॉ सुनीलकुमार जुमनाके बालरोग तज्ञ तथा संचालक सुगम मल्टीस्पेशालिटी हॉस्पिटल यांचे अध्यक्षतेखाली संपन्न होईल. सदर कार्यक्रमाला प्रमुख उपस्थिती म्हणून वणीतील प्रख्यात स्त्रीरोग तज्ञ डॉ. महेंद्रसिंग लोढा तसेच प्रमुख पाहुणे म्हणून मा. निलेश अपसुंदे सहपोलिस निरीक्षक वणी, मा संघदीप भगत माजी जिल्हा परिषद सदस्य यवतमाळ, सौ. अश्विनी ताई प्रकाश बल्की उपसरपंच ग्रामपंचायत राजूर, मा. प्रणिता ताई मो. असलम माजी सरपंच ग्रामपंचायत राजूर,
मा सौ. संगीताताई विजय गोबाडे सरपंच ग्रामपंचायत भांदेवाडा, मा. वामन पा. बल्की पोलीस पाटील राजूर, मा. विजयभाऊ पेंदोर सामाजिक कार्यकर्ता यांचे उपस्थितीत संपन्न होणार आहे.
त्यानंतर साय 7.30 वाजता क्रांतीसुर्य बिरसा मुंडा यांच्या जीवन चरित्रावर आधारित एकपात्री प्रयोग मा.रामचंद्र आत्राम सर सादर करतील त्यानंतर साय. 8 वाजता गोंडी व भीम गीताचा संगीतमय कार्यक्रम आदिवासी गोंडी ऑर्केस्ट्रा बल्लारपूर व संच सदर करणार आहे.
या कार्यक्रमास उपस्थित राहण्याचे आवाहन तथा निमंत्रण आदिवासी जनजागृती युवा संघटनेचे ॲड अरविंद सिडाम, मारोती आत्राम, रामकृष्ण सिडाम, रोहित किनाके यांनी दिले आहे.
