मारेगाव नगर पचांयत नगराध्यक्ष कोण होणार!

सह्याद्री चौफेर | वृत्तसंस्था 

मारेगाव : ऑगस्ट महिन्यात विद्यमान नगराध्यक्ष डॉ.मनिष मस्के यांचा कार्यकाळ संपणार असून आता नवीन चेहऱ्याला संधी मिळणार असल्याने नगर पंचायतचे अध्यक्ष कोण होणार? याकडे नगरवासियांच्या नजरा वळल्या आहे. काही दिवसात आरक्षणाची सोडवत होण्याची शक्यता असल्याचे बोलल्या जात आहे. 

मारेगाव नगर पचांयतचे विद्यमान नगराध्यक्ष डॉ. मनिष मस्के व उप-नगराध्यक्षा हर्षा महाकुलकर यांचा कार्यकाल अवघे काही आठवडे राहिला आहे. आता नगराध्यक्ष पदांसाठी मुबई सोडत निघणार व नविन निवड होणार आहे. काही दिवसात ही आरक्षण सोडवत होण्याची शक्यता आहे, मात्र कोणत्या प्रवर्गासाठी हे आरक्षण सुटते हे पाहण्यासाठी नेते,पुढारी व नागरीकांची देखील उत्सुकता वाढली आहे. नगरविकास विभागाने हे आरक्षण सोडवत जाहिर केले नाही तर, मग आणखीन काही महिने वाट पाहावी लागणार आहे. 

आरक्षण सुटले नाही म्हणुन शांतता आहे, परंतु बाहेर दिसणारी शांतता मात्र आरक्षण सोडवत जाहिर झाल्यावर संपणार आहे. नविन समीकरणे पहावयास मिळणार आहे. या वेळेस आरक्षण ओपन किंवा अनुसूचित जाती च्या पुरुष वर्गाला सुटण्याची शक्यता आहे. त्यामुळे राजकीय वर्तुळात  हालचालीना वेग आल्याचे दिसून येत आहे. बिगुल वाजताच नगरसेवक तोडजोडीचे राजकारण तापणार असून आरक्षण जर अनुसूचित जमातीसाठी निघाल्यास मारेगाव नगर पचांयतचा कोण "नगराध्यक्ष" होणार याकडे मात्र सर्वाचे लक्ष लागले आहे.