सह्याद्री चौफेर | विनोद माहुरे
राळेगाव : तालुक्यातील खैरी येथे श्री जैन श्रावक संघाच्या वतीने जैन धर्माचे २४ वे तिर्थकार भगवान महावीर स्वामी यांची जयंती (ता.२१) मोठ्या उत्साहात साजरी करण्यात आली.
भगवान महावीर स्वामी यांची जयंती साजरी करण्याकरीता परीसरातील कुंभा, मार्डी, वनोजा देवी, मारेगाव, वडकी, खडकी, पिंपळापुर, वेडशी, येथील जैन बांधव खैरी येथे उपस्थिती दर्शवून भगवान महावीर स्वामी यांच्या प्रतिमेची गावातील प्रमुख मार्गानी वाजत गाजत महावीर स्वामी यांचा जयघोष व जियो ओर जिने दो चा जयघोष करीत भव्य शोभायात्रा काढण्यात आली आहे.
शोभयात्रा परत महावीर भवन येथे येऊन कार्यक्रमाची सांगता करण्यात आली. या प्रसंगी महाभोजनाचा कार्यक्रम करण्यात आला होता. भगवान महावीर स्वामी जयंती उत्सवाचे आयोजन श्री जैन श्रावक संघ खैरी यांच्या वतीने करण्यात आले होते.