वणी : शिक्षण प्रसारक मंडळ व्दारा संचालित लोकमान्य टिळक महाविद्यालय, वणी च्या वतीने शुक्रवार दिनांक ३१ मार्च २०२३ ला महाविद्यालयाच्या लोकमान्य टिळक सभागृहात भव्य ग्रंथ प्रदर्शनाचे आयोजन करण्यात आले होते.
या ग्रंथ प्रदर्शन व विक्रीमध्ये विविध प्रकाशनाच्या पुस्तकांचा समावेश होता. विद्यार्थ्यांना उपयुक्त अशी स्पर्धा परिक्षा उपयोगी पुस्तके, अभ्यासक्रमीक पुस्तके, मराठी साहित्यातील दुर्मिळ तसेच नविन प्रकाशित पुस्तके या प्रदर्शनामध्ये उपलब्ध होती. प्राध्यापकांनी, कर्मचाऱ्यांनी, विद्यार्थ्यांनी व नागरीकांनी या प्रदर्शनाला भेट देऊन आपल्या ज्ञान साहित्यात भर पडावी याकरीता पुस्तकांची खरेदी सुध्दा केली. तसेच त्यांना आवश्यक असलेल्या पुस्तकांची प्रकाशकाकडे नोंद करुन ते पुस्तक प्राप्त केले.
संपुर्ण दिवस चाललेल्या या ग्रंथ प्रदर्शनाला अनेक पुस्तक प्रेमी मान्यवरांनी भेटी देऊन प्रदर्शनाचा लाभ घेतला. या ग्रंथ प्रदर्शनाच्या यशस्वितेसाठी ग्रंथालयाचे ग्रंथपाल डॉ. गुलशन कुथे तसेच ग्रंथालय कर्मचारी श्री. जयंत शेंडे, श्री. सुरेंद्र समर्थ, श्री. संतोष चांदेकर, कु. सुवर्णा गंधमवार तसेच श्री. आनंद नगराळे यांनी अथक परिश्रम घेऊन हे ग्रंथ प्रदर्शन यशस्वीपणे पार पाडले.