सह्याद्री न्यूज | रवी वल्लमवार
केळापूर, (३० ऑगस्ट) : पांढरकवडासह संपूर्ण तालुक्यात व शहरातील सुगधं भंडार व काही किराणा दुकानात मोजके व्यापारी प्रतिबंधित असलेल्या सुगंधित तंबाखूची सर्रास विक्री गेल्या अनेक वर्षा पासून करत आहे. बंदी असलेले हे सुगंधित तंबाखू चक्क बनावट/नकली असतांना सुद्धा नागरिकांच्या आरोग्याचा विचार न करता झटपट पैसा कमवण्याच्या नांदात ते खुलेआम विकत आहे. परंतु अन्न व औषधी प्रशासन विभाग यावर कुठलीच कारवाई करण्याचे सौदार्य करत नसून याकडे जाणीवपूर्वक दूर्लक्ष होत आहे.
तंबाखू सेवनाचे दुष्परिणाम लक्षात घेता शासनाने सुगंधित तंबाखूवर बंदी आणली. तसेच अवैधरित्या तंबाखूची विक्री करणाऱ्यावर कायद्याने कारवाई करण्याचे अधिकार अन्न व औषधी प्रशासनाच्याकडे देण्यात आल्याचे बोलल्या जाते. मात्र, पांढरकवडा शहरातील काही सुगधं भंडार व किराणा दुकानाचे मोजके व्यापारी प्रतिबंधित बनावट/नकली तंबाखूची सर्रास विक्री होत आहे. मात्र, याकडे संबंधित विभागाचे डोळे झाक होत आहे.
कोरोनाच्या पार्श्वभूमीवर प्रादुर्भाव रोखण्यासाठी शासनाने प्रतिबंधित सुगंधित तंबाखूच्या विक्रीवर पूर्ण बंदी घातली असतांना दरम्यान, या कालावधीत सुद्धा बेभावाने हे व्यापारी तंबाखूची विक्री आपल्या घरूनच करत पान टपरीवाल्या कडून आर्थिक लुटमार करत असल्याची ओरड होत होती. परंतु यावर संबधीत प्रशासनाचे दूर्लक्ष होत होते. आता तर हेच मोजके व्यापारी झटपट पैसा कमावण्याच्या नांदात नागरिकांच्या आरोग्याचा खेळ खंडोबा करत मजा, हुक्का, ईगल, बागवान, बाबा १२०, रत्ना, आदी सारख्या प्रतिबंधित असलेल्या सुगंधित तंबाखूच्या नावावर चक्क बनावट/नकली तंबाखूची खुले आम विक्री शहरासह ग्रामीण भागात आपल्या मालवाहतूक ने पान टपरी वाल्यांना करत आहे.
यावर कुठलीच कारवाई होत नसल्याने संबधित विभाग हा कुंभकर्णी झोपेत तर नाही ना ? असाही सवाल जनमानसात उपस्थित होत आहे.