भरधाव स्विफ्टची दुचाकीला धडक; निवृत्त शिक्षकाचा जागीच मृत्यू

सह्याद्री चौफेर | ऑनलाईन 

मारेगाव : नवरगाव येथे दि. ३ सप्टेंबर तसेच ७ सप्टेंबर रोजी शासकीय रक्तचाचणी मोहिमेद्वारे अनेक नागरिकांच्या रक्ताचे नमुने घेण्यात आले. दरम्यान, नवरगाव येथील एका महिला रुग्णाला प्रकृती अस्वास्थ्यामुळे चंद्रपूर येथे उपचारासाठी दाखल करण्यात आले होते. मात्र, उपचारादरम्यान त्यांचा मृत्यू झाल्याने गावात साथीच्या आजाराचा प्रादुर्भाव झाल्याची भीती व्यक्त होत आहे.

या पार्श्वभूमीवर भारतीय जनता पार्टी जिल्हा महिला आघाडीच्या उपाध्यक्षा, वणी विधानसभा प्रमुख तसेच जिल्हा अनुसूचित जाती आघाडीच्या जिल्हा महामंत्री सौ. शालिनी किशोर दारुंडे यांनी भ्रमणध्वनीद्वारे तालुका आरोग्य अधिकारी डॉ. मडावी यांच्याशी संपर्क साधून नवरगावातील आरोग्य परिस्थितीची तातडीने पाहणी करून आवश्यक त्या उपाययोजना करण्याची मागणी केली.

त्यानंतर आरोग्य सेवक मते यांच्या पथकाने नवरगावात पाहणी केली. यावेळी गावातील अनेक ठिकाणी मोठ्या प्रमाणात पाण्याचे डबके साचलेले आढळून आले. तसेच बाहेरील वापरासाठी करण्यात येणाऱ्या विहिरीच्या पाण्यात किटक आढळल्याचे निदर्शनास आले. गावातील सांडपाण्याच्या नाल्यांचा योग्य वापर व व्यवस्थापन होत नसल्याने अनेक ठिकाणी पाणी साचून राहिल्याचेही पाहणीदरम्यान आढळले.

दरम्यान, नवरगाव येथील शासकीय दवाखाना तसेच ग्रामपंचायत कार्यालयात आरोग्य विभागाचे अधिकारी व कर्मचारी उपस्थित होते. महिला निरीक्षक डॉ. पवन दुधे, वसुंधरा परचाके, मीना मोरे, G.M.M. सीमा पेंदोर, गटप्रवर्तक यांच्यासह आरोग्य विभागाच्या पथकाने नागरिकांची माहिती घेतली.

तालुका आरोग्य विभागाच्या रक्तचाचणी मोहिमेंतर्गत अनेक नागरिकांचे रक्ताचे नमुने घेण्यात आले असून, या तपासणीमुळे गावातील नागरिकांच्या आरोग्याबाबत अधिक स्पष्ट माहिती मिळण्यास मदत होणार आहे.

नवरगावातील पाणी साचण्याची समस्या, सांडपाण्याची योग्य विल्हेवाट आणि पिण्याच्या पाण्याची स्वच्छता याकडे ग्रामपंचायत व आरोग्य विभागाने गांभीर्याने लक्ष देऊन तातडीने स्वच्छता व प्रतिबंधात्मक उपाययोजना कराव्यात, अशी मागणी नागरिकांकडून होत आहे.