राज्यातील स्थानिक स्वराज्य संस्थांच्या निवडणुका डिसेंबर 2025 ते जानेवारी 2026 दरम्यान टप्प्याटप्याने होण्याची शक्यता आहे, अशी मोठी माहिती राज्य निवडणूक आयोगाचे आयुक्त दिनेश वाघमारे यांनी दिली आहे. ही घोषणा नाशिकमध्ये पार पडलेल्या आढावा बैठकीत करण्यात आली.
निवडणुका कधी?
डिसेंबर 2025 पासून जानेवारीच्या पहिल्या आठवड्यापर्यंत निवडणूक प्रक्रिया सुरू राहील. सर्व टप्प्यांमध्ये आवश्यक अधिकारी, कर्मचारी व तांत्रिक यंत्रणेची तयारी सुरु आहे.
VV-PAT यंत्रांचा वापर नाही
या निवडणुकांमध्ये VV-PAT यंत्रे वापरण्यात येणार नाहीत.
मतदार यादी व प्रभाग रचना
1. 1 जुलै 2025 पर्यंतच्या मतदार यादीवर आधारित मतदान होईल.
2. प्रारूप प्रभाग रचना निश्चित झाल्यानंतर पुढील प्रक्रिया राबवली जाईल.
आरक्षण पद्धत
• SC-ST आरक्षण निश्चित.
OBC आरक्षण – सुप्रीम कोर्टाचा ऐतिहासिक निकाल
27 टक्के ओबीसी आरक्षणाला विरोध करणाऱ्या तसेच नव्या प्रभाग रचनेला विरोध करणाऱ्या याचिका फेटाळल्या.
त्यामुळे महापालिका व ZP निवडणुका आता नव्या प्रभाग रचनेनुसार व 27 टक्के ओबीसी आरक्षणासह होणार!
चार सदस्यीय प्रभाग पद्धत
• अ वर्ग महानगरपालिका – पुणे, नागपूर
• ब वर्ग महानगरपालिका – ठाणे, नाशिक, पिंपरी-चिंचवड
• क वर्ग महानगरपालिका – छत्रपती संभाजीनगर, नवी मुंबई, वसई-विरार, कल्याण-डोंबिवली.
यामुळे राज्यातील राजकीय वातावरण रंगणार असून, सर्व पक्षांनी तयारीला सुरुवात केली आहे.