आणखी एका ट्रॅक्टर वर महसूल विभागाचा छापा

सह्याद्री न्यूज | कुमार अमोल

मारेगाव : तालुक्यातील नाले, नदी च्या लगत असलेल्या परिसरातुन अवैध रेती उपसा मोठ्या प्रमाणात होत असल्याने महसूल विभागाकडून रेती तस्करांचे मनःसुबे हाणून पडण्यासाठी कंबर कसली असून भालेवाडी फाट्यावरील प्रकरण ताजे असताना काल आणखी वनोजा देवी परिसरात मध्यरात्री एक ट्रॅक्टर महसूल पथकाच्या गळाला लागला आहे. 

मारेगाव तालुक्यात हर्रास नसताना दररोज मोठ्या प्रमाणात रेतीची चोरी होत असून, शासनाचा लाखों रुपयाचा महसूल रेती तस्करांच्या घशात जात आहे. या रेती चोरट्यावर तहसीलदार उत्तम निलावाड यांच्या मार्गदर्शनाखाली महसूल विभागाने तस्करांच्या मुसक्या आवळण्याचे काम मागील काही दिवसापासून सुरु असून संबंधित विभाग ऍक्शन मोडवर आले असता,काल मध्यरात्री एका ट्रॅक्टरवर धडक कार्यवाही केली असल्याचे माहिती आहे.

दि.२६ जानेवारी रोज शुक्रवारच्या मध्यरात्री 3 वाजताच्या दरम्यान,डोल डोंगरगाव (वनोजा देवी परिसरातून) येथून एक अवैध रेती भरलेले चोरीचे ट्रॅक्टर पकडून महसूल विभागाने कार्यवाही केली. कडक्याच्या थंडीत ट्रॅक्टर चा पंचनामा करून रेती भरलेले ट्रॅक्टर दंडात्मक कारवाई साठी तहसील कार्यालयात जमा केले. 

परिणामी, रेती तस्करांच्या दिवसागणिक मुजोऱ्या वाढून प्रशासनाला तुरी देण्याचे षडयंत्र नित्याचेच झाले असून सातत्याने महसूल विभागाने कंबर कसली असून रेती तस्करांच्या मुसक्या आवळण्यासाठी पारदर्शक अधिकारी तहसीलदार निलावाड, मंडल अधिकारी घुगाने, तलाठी एस सी कुळमेथे, व विवेस सोयाम हे सातत्याने प्रयत्नशील आहेत. महसूल विभागाच्या रात्रीच्या गस्तीने रेती तस्करांचे आता चांगलेच धाबे दणाणले आहे.