सह्याद्री चौफेर । राजू डावे
वणी : कृषि उत्पन्न बाजार समिती, वणी मार्फत हंगाम २०२३- २४ करीता किमान आधारभुत दराने (एमी दर) दिनांक २२/११/२०२३ पासून सि.सि.आय ची कापूस खरेदी अकोला विभागात प्रथम वणी बाजार समितीचे मुख्य आवारात सुरु करण्यात आलेली आहे.
सदर कापूस खरेदीचा शुभारंभ बाजार समितीचे सन्माननिय सभापती अँड विनायकराव ऐकरे, उपसभापती विजय गारपाटे, सचिन कुळमेथे, सहाय्यक निबंधक, सहकारी संस्था वणी, हेमंत ठाकरे सी.सी. आय वणी चे केंद्र प्रमुख व सदस्य सर्वश्री दिलीप बोढाले, मोहन वरारकर प्रभाकर बोहे, वेणुदास काळे, हेमंत गौरकार, चंद्रकात हिकरे, सतिश बडघरे, रविंद्र कोगरे, प्रमोद सोनटक्के याचे शुभहस्ते करण्यात आला प्रथम शेतकरी हर्षद दिलीप बोढाले, रा पुनवट यांचा शाल व श्रीफळ देवून सत्कार करण्यात आला.
शुभारंभाचे दिवशी अंदाजे ७८ क्विंटल कापूस खरेदी करण्यात आलेला असून कापसाला प्रति क्विंटल रुपये ७०२०/- हा भाव देण्यात आलेला आहे. शुभारंभ प्रसंगी सी सी आय शिदोला चे केंद्र प्रमुख श्री पंकज ठाकरे, राळेगावचे केंद्र प्रमुख अमित कोहळे, भद्रावतीचे केंद्र प्रमुख विजय आकोटकर, खैरीचे केंद्र प्रमुख प्रमोद पाटील, पांढरकवडयाचे केंद्र प्रमुख हर्षल शिंदे, बाजार समितीचे सचिव श्री अशोक झाडे श्री शैलेश मडावी, सहकार अधिकारी, सहा. निबंधक, सह. स. वणी, लेखापाल रमेश पुरी. आरीफखा रऊफखाँ, निरीक्षक तथा सर्व कर्मचारी व शेतकरी उपस्थित होते.
शेतकरी बंधु यानी आपला कापूस किमान आधारभुत दराने विक्री करीता आणत असतांना सोबत अदयावत पिकपेरा
असलेला सातबारा व आधार कार्ड (बँक पासबुक व मोबाईल नंबर लिंक असलेल) आणणे अनिवार्य आहे. तरी सर्व शेतकरी बधुंनी सि.सि. आय ला हमी भावाने कापूस विक्री करणेकरीता दिनांक २२/११/२०२३ पासून बाजार समितीचे मुख्य आवारात आणावा असे बाजार समिती तर्फे आव्हान करण्यात येत आहे.
