सह्याद्री न्यूज | योगेश मडावी
झरी, (३० ऑगस्ट) : तालुक्यातील पाटण (बोरी) सह परिसरात गेल्या एक महिन्यापासून डेंगू च्या रुग्णात वाढ होत असल्याने मलेरिया व डेंगू चा मोठ्या प्रमाणात शिरकाव दिसत आहे. मलेरिया टायफाईड डेंगू सदृश्य आजारने डोके वर काढले आहे. त्यामुळे नागरिकांमध्ये भीतीचे सावट निर्माण झाले आहे.
गेल्या दीड वर्षापासून आधीच नागरिक कोरोना महामारीने चिंताग्रस्त असून, आता पुन्हा मलेरिया, टायफाईड, डेंगू या सदृश्य आजाराने लोकं परेशान आहे. गावोगावी परिसरात डेंगू आजरांची संख्या वाढत असल्याने पालकांमध्ये असंतोष निर्माण होत आहे. लहान मुलांसह व मोठ्यांना सुद्धा डेंगू ची लागण होत असल्याने सरकारी दवाखान्यात भर्ती होत आहे. तर काही रुग्ण आदिलाबाद, यवतमाळ आणि नागपुर येथील खासगी दवाखान्यात जाऊन आपला इलाज करून घेत आहे.
या गंभीर विषयाची गावापातळीवर उपाय योजना राबविणे आवश्यक असून, गावातील नाली रस्ते, शेणखत, ठिकठिकाणी साफसफाई होत नसल्याने तसेच जागो जागी सांडपाणी जमा होऊन त्या पाण्याचे डबके तयार होत असल्याने रोगराई पसरत असून, रुग्ण संकेत वाढ होताना दिसून येत आहे. येथील ग्रामपंचायत चे साफसफाईकडे दुर्लक्ष होत असल्याचे नागरिकात ओरड आहे. परिणामी मलेरिया डेंगूचे रुग्णात वाढ होत आहे. सध्याचे वातावरण किटक जन्य आजारला पोषक आहे. त्यामुळे गेल्या काही दिवसापासून कीटक जन्य सदृश रुग्णांची संख्या वाढत आहे, या रोगराईला आळा घालण्यासाठी दरवर्षी राष्ट्रीय कीटक जन्य रोगनियंत्रण कार्यक्रम राबविण्यात येतो. तसेच मलेरिया, टायफाईड, डेंगू, चिकन गुनिया, सदृश्य आजारांबाबत जनजागृती करण्यात येत आहे. यामुळे नागरिकांनी घरासमोर परिसर स्वछ ठेवावा तसेच घरसमोर कुठेही पाणी जमा होऊ देऊ नये, कूलर चे पाणी आठवड्यात बदलत राहावे. शिवाय गावातील अनेक वार्डालगत शेणखतांचे ढिगारे असल्याने त्यापासून सुद्धा रोगराई पसरत असून, ग्रामपंचायतने या धिगाऱ्यांचा विल्हेवाट लावला असेही मत व्यक्त होत आहे.
गावत सांडपाणी पाणी रस्त्यावर वाहत असल्याने दुर्गंधी, रोगराई पसरत असून, नाल्या वेळीच साफ होत नसल्याने घाणीचे साम्राज्य पसरले आहे. ग्रामपंच्यायतीने या गंभीर प्रश्नाकडे लक्ष देऊन गावातील नाली स्वच्छता याकडे लक्ष्य द्यावे. तसेच फॉगिंग मशीन करण्यात यावे, अशी नागरिकांतून मागणी होत आहे.