सह्याद्री चौफेर | ऑनलाईन
मारेगाव : डोल-डोंगरगाव गट ग्रामपंचायतच्या सरपंच व सचिव यांनी कार्यालयीन कामे नियमित करित नसल्याच्या विरोधात लाखापूर येथील उपसरपंचा यांचे पती योगीराज बल्की हे १० जाने. २०२५ पासून गावातच आमरण उपोषणास बसणार आहे. याबाबत त्यांनी संबंधित अधिकाऱ्यांना निवेदन सादर केल्याची माहिती आहे.
पंचायत समिती मारेगाव अंतर्गत येत असलेल्या डोलडोंगरगाव ग्रामपंचायतीचे सरपंच ग्रामपंचायत अधिकारी व इतर कर्मचारी हे गांव विकास आणि ग्राम पातळीवर असलेल्या विविध समम्याकडे लक्ष देत नसून या दोनही गावातील ग्रामवासी त्यांच्या अंधाधुंद कारभारामुळे त्रस्त आहे. याआधी या गट ग्रामपंचायत यांना ग्राम समम्या तोंडी व लेखी स्वरुपात निवेदन सादर केले पण त्यांना अजुनही जाग आली नाही,असं निवेदनात नमूद आहे. पुढे असेही म्हटलं आहे की, ग्राम पातळीवर असलेल्या अनेक ग्राम हितपयोगी समस्याचे निराकरण करण्यासाठी या झोपी गेलेल्या गट ग्राम पंचायत डोल डोंगरगाव येथील सरपंच ग्रामपंचायत अधिकारी दुर्वे व इतर कर्मचारी यांना त्यांच्या कर्तव्यची जाग आणून ग्राम समस्या सोडवण्यास पुढाकार घेऊन आम्हाला न्याय द्यावा याकरिता लाखापूर येथील नागरिक तथा गुरुदेव सेवाधिकारी योगीराज बल्की यांनी लाखापूर गावातच हनुमान मंदिरात आमरण उपोषण करण्याचे हत्यार उपसणार आहे. याबाबत त्यांनी आमदार संजय देरकर यांना देखील निवेदन दिले, उद्या शुक्रवारी सकाळी ९ वाजेपासून ते आमरण उपोषणास बसणार असल्याचे बल्की यांनी सांगीतले आहे.