सह्याद्री चौफेर | ऑनलाईन
वणी : वणी उपविभागात वेगवेगळ्या आवाजासाठी प्रसिध्द असलेले मिमिक्री कलावंत आकाश महाडुळे साखरा (दरा) यांची श्री क्षत्रिय कोसरे माळी समाज संघटन नागपुर (विदर्भ) यांनी दखल घेवुन त्याचा विशेष सत्कार करण्यात आला. 5 जानेवारी 2025 ला सावित्री बाई फुले जयंती निमित्त नागपुर विदर्भ येथे कोसरे माळी समाज संघटना यांनी माळी समाजातील विदर्भातील प्रत्येक जिल्यातुन सामाजिक, व्यावसायिक, उद्योजक ,शेतकरी, प्रशासकीय क्षेत्रात प्रसिध्दी मिळवणाऱ्या व्यक्तींचा सत्कार करण्यात आला व त्याच बरोबर सांस्कृतिक क्षेत्रात आपली नवीन ओळख करत असलेले एकपात्री कलाकार "मी सावित्री बोलते" कु.सखिला मुखरू गुरनुले जि.गडचिरोली व मनोरंजनातून प्रबोधन करत विदर्भातील प्रत्त्येक जिल्ह्यात आणि वणी तालुक्यात आपल्या वेगवेगळ्या आवाजातून प्रसिध्दी मिळवणारे मिमिक्री कलावंत आकाश महाडुळे यांची त्या कार्यक्रमात विशेष आकर्षण म्हणून उपस्थिती होती. त्याच बरोबर कलावंत आकाश महाडुळे यांनी कार्यक्रमाच्या मानधनातून गावातील शाळेत पेन व रजिस्टर वाटप केल्यामुळे कोसरे माळी समाज संघटनेचे अध्यक्ष क्रिष्णा महादुरे यांनी भरभरून कौतुक केले, समाजासमोर मिमिक्री सादर करुण समाजबांधवांचे मने जिंकली आणि कार्यक्रमाच्या शेवटी आकाश महाडुळे यांनी कोसरे माळी समाज संघटना नागपुर (विदर्भ) यांचे आभार मानले.