सह्याद्री चौफेर | वृत्तसंस्था
वणी : महिला काँग्रेसच्या माजी शहराध्यक्ष सौ.सविता कुंदनराव ठेपाले यांचे काल बुधवारी रात्री अल्पशा आजाराने निधन झाले. त्यांच्या अशा अकाली निधनाने सामाजिक, राजकीय क्षेत्रात शोककळा पसरली आहे.
सौ.सविता ठेपाले ह्या राजकीय,सामाजिक कार्यात त्या नेहमी अग्रेसर असायच्या. मागील काही महिन्यांपासून त्या आजारी होत्या. काल बुधवारी त्यांची तब्येत अचानक खालावली, त्यामुळे त्यांना उपचारार्थ नागपूर येथे नेण्यात आले होते. मात्र, नागपूर येथील रुग्णालयात उपचारादरम्यान बुधवारी (ता.21) मध्यरात्री दिड वाजताच्या दरम्यान, त्यांची प्राणजोत मालवली.
त्यांच्या पश्चात पती, दोन मुलं आहेत. त्यांची अंत्ययात्रा आज दुपारी 12.30 वाजता दरम्यान त्यांचे राहते घरी भुमिपार्क, MIDC येथून निघणार असून त्यांच्या पार्थिवार मोक्ष येथे अंत्यसंस्कार करण्यात येणार असल्याचे त्यांच्या निकटवर्तीयांनी सांगितले.